Di Wikipedia, e ensiklopedia liber
Eugene Rhuggenaath
(☆
4 di februari
1970
na
Korsou
) ta un eks-politiko
kurasoleno
i tabata
prome minister di pais Korsou
di 2017 te 2021. Den
gabinete-Koeiman
e tabata
minister di Desaroyo Ekonomiko
pa
Partido Antia Restruktura
(PAR). Den
gabinete-Whiteman II
el a okupa e mesun ministerio komo susesor di Stanley Palm.
Rhuggenaath a studia Business Administration na
Universidat di Miami
i mas despues na
Rotterdam School of Management
.
Entre 2003 i 2009 Rhuggenaath tabata aktivo den politika formando parti di partido PAR den temporada ku Korsou tabata forma parti di
Antias Hulandes
. E tabata miembro di
Konseho Insular
di Korsou den e temporada ei. Den e periodo di yuni 2004 i yuli 2005 i mas despues entre mart 2006 i desember 2006 e tabata diputado di Finansia. Di yuni 2007 te ku ougustus 2009 e tabata diputado di Desaroyo Ekonomiko i Turismo. Na 2009 el a drenta un konflikto ku su partido PAR i a entrega retiro komo diputado. Alabes el a hasi su salida for di politika i a bai traha na
CITCO
.
Den
elekshon di 2017
Rhuggenaath tabata lider di partido PAR, ku a gana e elekshon. Riba 23 di mei 2017 a bira konosi ku e lo tuma puesto di
prome minister
di Korsou. Desde 29 di mei 2017 te 10 di yuni 2021 e tabata na kabes di
Gabinete-Rhuggenaath
. Despues di e resultado di elekshon di 2021 e ta disidi di no aksepta su asiento den
Parlamento di Korsou
i a bandona politika aktivo.
[1]
Rhuggenaath ta aktualmente presidente di Konseho di Supervishon di e Fondo di Penshun di Hulanda Karibense i a partisipa den e grupo di trabou pa ataka e problemanan prinsipal na
Hulanda Karibense
. Na nomber di
Reino Hulandes
e ta asumi, entrante november 2023 i pa un termino di kuater ana, e funshon di direktor ehekutivo na e
Grupo di Banko Mundial
na
Washington D.C.
[2]
Fuente, nota i/of referensia
|