E artikulo aki ta skirbi na papiamentu . Lo ta apresia si por mantene e artikulo aki na estilo di papiamentu .

Emirto de Lima

Pais di nashonalidat	Colombia
Nomber di dilanti	Jose
Fam	de Lima
Fecha di nasementu	25 yanuari 1890
Luga di nasementu	Korsou
Fecha di fayesimentu	14 ougustus 1972
Tata	Paul de Lima
Dominio di idioma	spano
Okupashon	musicologist
Periodo activo (inicio)	1910
Partisipante na	1932 Summer Olympics
Genero	classical music

Jose Maria Emirto de Lima (n. 25 di yanuari 1890 na Korsou - f. 14 di ougustus 1972 na Barranquilla ) tabata un musiko, musikologo i kompositor kurasoleno - kolombiano .

Biografia [ edita | edita fuente ]

Emirto de Lima ta nase na Willemstad; yu di Paul Quirino de Lima (1861-1926) i Josefina Sintiago. E ta haya su prome lesnan di fio i piano di su tata, kende tabata musiko, dosente di musika i kompositor. ^[1] Djei e ta kontinua su estudio di musika na Oropa , prome na Barcelona i despues na konservatorio di Paris , unda e ta optene su diploma di tokado di fio. ^[2]

Na 1910 De Lima ta kuminsa su karera na Colombia dunando les di musika na hobennan na Barranquilla . Originalmente e enkargo aki a wordu ofrese na su tata, kende a pase over pe dor ku e no tabata kier bandona Korsou. Na Barranquilla e ta sigui pa funda un akademia di musika, atkeriendo un bon reputashon komo dosente. Komo kompositor, kritiko i musikologo e tabata forma parti di e bida kultural di e siudat. El a okupa tambe e funshon di konsul di Liberia i Honduras na Barranquilla.

De Lima ta kompone varios konsierto pa orkesta i ballet. Na 1911 kuater di su partitura ta sali publika na Cartagena . Su komposishonnan tabata parti di e evento musikal den un kompetensia di arte na e Weganan Olimpiko di Zomer 1932 na Los Angeles . ^[3] Dor di su interes den lenguahe ritmiko e ta profundisa su mes den folklor kolombiano i ta publika na 1942 e estudio etnografiko Folklore colombiano tokante e dialektonan di e zonanan kolombiano na costa di Karibe i serunan di Andes. ^[4]

Entre su obranan tin varios piesa musikal den estilo antiano , entre otro algun wals kurasoleno i mazurka. ^[1] Na 2001 Prins Bernard Cultuurfonds Caribisch Gebied (PBCCG) ta saca henter un CD dedika na su komposishonnan bou titulo "Emirto de Lima, musika pa piano" i toka pa Harold Martina .

Na su honor a graba su nomber riba un di e kampananan di e karion “De vier Koningskinderen” ku ta instala desde ana 1952 riba e edifisio di Museo di Korsou na Otrobanda . ^[5]