E artikulo aki ta skirbi na papiamentu . Lo ta apresia si por mantene e artikulo aki na estilo di papiamentu .

Edison Rijna

Pais di nashonalidat	Reino Hulandes
Nomber di dilanti	Edison
Fecha di nasementu	7 yuli 1967
Luga di nasementu	Boneiru
Okupashon	politiko

Edison Enrique Rijna (☆ 7 di yuli 1967 na Boneiru ) ta un politiko hulandes i diplomatiko. Desde 18 di aprel 2023 e ta "representante spesial" di Hulanda Karibense ku referensia na e fondonan di Union Oropeo i Nashonnan Uni i e relashonnan ekonomiko ku Latino Amerika. ^[1] E tabata gezaghebber di Boneiru di 2014 te 2023. ^[2]

Bida [ edita | edita fuente ]

Rijna a nase na Boneiru i tabata alumno di Prinses Beatrix School i Scholengemeenschap Bonaire (SGB) na Kralendijk . ^[3] Despues di termina su skol sekundario ela bai studia na Hulanda , sigui pa un estadia largu na Korsou . For di Korsou e ta lanta na Boneiru un empresa di resiklahe di desperdisio na 2011. ^[4] Prome cu esei e tabata traha na diferente banko den Karibe. ^[5]

Rijna ta residensia na Boneiru desde su nombramentu dia 22 di ougustus 2014 komo gezaghebber di Boneiru. ^[5] E tabata e susesor di Lydia Emerencia ku mester a kita despues di un moshon di deskonfiansa di konseho insular boneriano , mientras riba e isla tabata reina intrankilidat politiko . Entre 1 di mart 2014 i 22 di ougustus 2014 e tabata gezaghebber interino di Boneiru. Na 2020 su termino a wordu extendi ku un di dos termino di seis ana. Na oktober 2022 despues ku a surgi kritika riba kon a fasilita desaroyadonan hulandes ku tereno den zonanan di koral na kosta, konseho insular ta manda Rijna ku fakansi pa dos siman pa por hasi investigashon di su enbolbimentu. ^[6]

Dia 18 di aprel 2023 Rijna a retira for di funshon di gezaghebber. Nolly Oleana ta fungi komo su remplasante te dia un gezaghebber nobo keda nombra.

Rijna tabata kasa ku Freeke Kunst, kende a fayese di kanser na 2017. Huntu nan tin dos yu. ^[7]