E artikulo aki ta skirbi na
papiamentu
. Lo ta apresia si por mantene e artikulo aki na estilo di
papiamentu
.
Mariekson Julius (Didi) Gregorius
(☆
18 di februari
1990
na
Amsterdam
), ta un pelotero profeshonal i internashonalista
hulandes
-
kurasoleno
. E ta hunga komo shortstop i ta agente liber desde ougustus 2023. Previamente el a milita den
MLB
pa Cincinnati Reds, Arizona Diamondbacks, New York Yankees i Philadelphia Phillies.
Gregorius a nase den un famia
beisbolista
. Su welo, Juan Gregorius, tabata un di e miho picher na
Korsou
den dekada 50 di
siglo 20
; su yu i tata di Gregorius, Didi Gregorius sr., tabata milita ananan largu den e liga mayo hulandes pa e ekiponan di Amsterdam Pirates, Haarlem Nicols, ADO i Almere. Su ruman homber mayo
Johannes Gregorius
tabata hunga den liga mayo pa ADO. Su mama, Sheritsa Stroop, tambe tabata hunga pa Amsterdam Pirates den e divishon mas altu di softbol. Meskos ku su tata Gregorius tin e nomber di karino "Didi". Komo hoben e tabata hunga pa Amsterdam Pirates i a hunga tambe na
Korsou
pa
Santa Maria Pirates
despues ku su famia a muda bek pa e isla, desaroyando einan den un hungado talentoso.
[1]
Na edat di 18 ana el a wordu kontrata pa e organisashon di San Diego Padres. El a milita brevemente pa un di su klupnan afilia na
Republika Dominikano
, pero despues e keda kontrata pa Cincinnati Reds. Den e ananan ku a sigui el a hunga den diferente tim, for di nivel "rookie" te nivel "A".
Dia
18 di februari
2012
, na edat di 31 ana, Gregorius a debuta den MLB ora el a drenta den akshon den ocho wega pa Cincinnati Reds.
[1]
Despues ku Philadelphia Phillies no a renoba su kontrakt el a milita durante temporada 2022/2023 den liga
mehikano
pa Algodoneros de Union Laguna i den liga menor merikano pa Seattle Mariners.
Gregorius a hunga na
2007
den e
selekshon nashonal di beisbol di Antias Hulandes
durante e
Weganan di Reino
na
Den Haag
. Einan el a hunga tantu komo lansado i bateado. E tabata e miho picher di e torneo i a logra un averahe den bateo di .304.
Dos ana despues el a wordu selekshona pa e
tim nashonal di beisbol hulandes
i a debuta den stadion di HCAW na Bussum durante un wega amistoso kontra
Italia
. Na 2010 el a partisipa den Intercontinental Cup i na
2011
el a forma parti tambe di e tim ku a titula kampeon mundial na
Panama
, derotando
Cuba
. Otro aparishonnan di Gregorius tabata den
World Baseball Classic
di 2017 i 2023 i pa prome bes den kampeonato oropeo 2023 unda e selekshon di reino lo defende su titulo.
Na 2014 el a wordu kondekora komo Kabayero (
Ridder
) den
Orden di Oranje-Nassau
.
[2]
Referensia
- Lista di fuente
|