E artikulo aki ta skirbi na papiamentu . Lo ta apresia si por mantene e artikulo aki na estilo di papiamentu .

Dia di Tata

Nomber duna di	tata
Ta konmemora	tata
Hashtag	FathersDay , Vatertag

Dia di Tata ta un dia festivo pa honra tatanan i pa selebra paternidat i e importansia di lasonan paternal pa loke ta trata e edukashon i kuido di nan yunan. Na mayoria di e paisnan ront mundu, inkluso den Reino Hulandes , ta selebra e dia riba e di tres djadumingu di yuni. E dia festivo a origina for di Dia di Mama .

Historia [ edita | edita fuente ]

Supuestamente Dia di Tata a wordu introdusi dor di Sonora Smart Dodd di estado Washington , pa honra su tata, William Jackson Smart, na 1909. E tabata un veterano di Guera Sivil merikano, ku a bira viudo ora su senora a muri dunando lus na nan di seis yu. Despues di bira grandi i inspira pa Anna Jarvis ku a lansa Dia di Mama un ana prome, su yu muhe a introdusi Dia di Tata pa enfoka riba e forsa i perseveransia di su tata.

E prome Dia di Tata a tuma luga dia 19 di yuni 1910 na Spokane , estado Washington. Na 1924 Presidente Calvin Coolidge a apoya e idea pa selebra Dia di Tata, sinembargo e Kongreso merikano , konsistiendo kompletamente di hende homber, no tabata kier pa algo asina ta aplikabel pa hende homber. Resultado tabata ku numa bou di presidensia di Richard Nixon na 1971 e dia ta wordu rekonosi ofisialmente na Merka .

Generalmente e tradishon oropeo katoliko lo a konmemora e dia riba 19 di mart, dia di San Jose, tata di Jesus . Sinembargo, varios pais oropeo (manera Fransia i Reino Uni ) i mayoria di e paisnan iberoamerikano, a adopta e fecha merikano, pues selebrando e dia festivo aki riba e di tres djadumingu den luna di yuni.

Teritorio karibense di Reino Hulandes [ edita | edita fuente ]

Segun anunsionan den media skibi a kuminsa selebra Dia di Tata na Antias Hulandes den dekada 30 di siglo binti. Den ananan sinkuenta empresanan a yuda popularisa e dia di selebrashon entre otro dor di merkadea produktonan komo regalo spesial pa tata i ofresiendo, meskos ku e dianan festivo di fin di ana, deskuento riba yamada telefoniko ku Hulanda i Surnam . ^[1] Ananan sesenta i despues e selebrashonnan a ekspande pa e seno di asosiashonnan i klupnan sosial, partikularmente na Aruba i Korsou i a kuminsa organisa diferente actividat deportivo i rekreativo familiar pa Dia di Tata. Na e Islanan ABC e no ta un dia liber publiko.

Na Hulanda tabata selebra e dia den oktober desde ana 1937. ^{[2] [3]} Na 1948 a disidi pa move e selebrashon pa e di tres djadumingu di yuni. ^[4]

Kalendario segun pais [ edita | edita fuente ]

Fecha	Pais
19 di mart	Angola   Belgika : solamente region di Antwerpen   Bolivia   Honduras   Italia   Kroatia   Liechtenstein   Mozambique   Portugal   Spana
8 di mei	Sur Korea ( dia di mayornan : ta selebra tur dos mayor e mesun dia)
di dos djadumingu di mei	Rumania
riba dia di Asunshon	Alemania
5 di yuni	Dinamarka
prome djadumingu di yuni	Lituania   Suisa
di dos djadumingu di yuni	Belgika (pafor di region di Antwerpen )   Austria
di tres djadumingu di yuni	Albania   Algeria   Argentina   Aruba   Bahamas   Bahrein   Bangladesh   Barbados Belarus   Belize   Bermuda   Bosnia Herzogovina   Brunei   Bulgaria   Burkina Faso   Canada   Chile   China   Colombia   Costa Rica   Cuba   Chipre   Ecuador   Estadonan Uni di Amerika   Filipinas   Fransia   Georgia   Ghana   Gresia   Guyana   Hapon   Hong Kong   Hulanda (inkl. islanan BES)   Hungria   India   Irlanda   Jamaica   Kenia   Korsou   Kuwait   Laos   Macao   Madagascar   Malaysia   Mali   Malta   Maroko Maroko   Mauretania Maurisio   Mexico   Namibia   Nigeria   Oman   Pakistan   Panama   Paraguay   Peru   Qatar   Reino Uni   Senegal   Sierra Leone   Singapura   Slovakia   Sur Afrika   Surnam   Suisa   Tanzania   Trinidad i Tobago   Tunisia   Turkia   Uganda   Venezuela   Vietnam   Zambia   Zimbabwe
21 di yuni	Egipto   Emiratonan Arabe Uni   Hordania   Libano   Siria   Sudan
23 di yuni	Template:NGU Nicaragua   Polonia
ultimo djadumingu di yuni	Haiti
ultimo djadumingu di yuli	Republika Dominikano
8 di ougustus	Mongolia   Taiwan
di dos djadumingu di ougustus	Brasil Template:SMA Samoa
prome djadumingu di september	Australia   Nueva Zelandia
3 di oktober	Luxemburg
di tres djadumingu di september	Ukrania
di tres djadumingu di oktober (desde 2021)	Rusia
12 di november	Indonesia
di dos djadumingu di november	Estonia   Finlandia   Noruega   Islandia   Suesia
5 di desember	Tailandia (kumpleano di e rei)

Mira tambe [ edita | edita fuente ]

• Dia di Mama