Un article de Wikipedia, l'enciclopedia liura.
Lo
ZSU-23-4
Shilka
es un
canon
antiaerian
automotor desvolopat durant leis
ans 1950
per l'
URSS
per remplacar lo
ZSU-57-2
. Construch sus la basa dau
carri leugier
PT-76
, es destinat a l'acompanhament e a la proteccion deis unitats motorizadas e
blindadas
. Per aquo, es armat de quatre
canons automatics
de 23 mm dirigits per
radar
. Es protegit per un blindatge feble mai aquo era pas un problema vertadier car lo ZSU-23-4 es pas destinat au combat directe contra d'autrei veiculs.
La produccion comencet en
1964
e s'acabet en
1982
. Aperaqui 6 500 exemplaris fogueron fabricats. Un terc foguet exportat vers de
pais
aliats per lei
Sovietics
. Lo ZSU-23-4 aguet un succes important durant la
Guerra de Kippur
au sen de l'armada egipciana
[1]
. Pasmens, leis Israelians s'adapteron e l'ataqueron amb d'armas de portada pus longa. Durant la
Guerra de Kuwait (1990-1991)
, lei pilots occidentaus adopteron de tacticas similaras. Lei
Sovietics
utilizeron de ZSU-23-4 en
Afganistan
per sostenir d'unitats engatjadas dins de combats terrestres. Apres la
Guerra Freja
, una tala utilizacion foguet egalament observada en
Chechenia
e en
Siria
, especialament per luchar contra lei tiraires d'eleit durant lei combats urbans.
Totjorn considerat coma una menaca seriosa per leis aeronaus modernes, compres leis avions de combat, lo ZSU-23-4 era encara en servici dins un trentenau de pais en
2020
.
- (en)
Mike Guardia,
Self-Propelled Anti-Aircraft Guns of the Soviet Union
, t. 222, Osprey Publishing, coll. ≪ New Vanguard ≫, 2015.
- (en)
Steven J. Zaloga,
ZSU-23-4 Shilka & Soviet Air Defense Gun Vehicles
, Concord, 1993.
- ↑
(en)
Steven J. Zaloga,
ZSU-23-4 Shilka & Soviet Air Defense Gun Vehicles
, Concord, 1993, p. 4.