Un article de Wikipedia, l'enciclopedia liura.
Lei
volcans de fanga
o
domes de fanga
designan un ensems d'estructuras que son la font de remontadas d'una mesclada d'aiga, de sediments e de gas. Lei sediments son generalament compausats de particulas finas e d'idrocarburs. Lo gas es magerament fach de metan (~ 86%), de dioxid de carboni e d'azote. Lo fenomen es generalament associat ai
zonas de subduccion
mai son origina es mau conegut e sembla qu'existe de tipes diferents de volcans de fanga. A l'ora d'ara, aperaqui 700 volcans de fanga son identificats dins de regions continentalas e 400 dins de zonas de fons marins pauc prefonds. Lo pus grand a un diametre egau a 10 quilometres e una autor egala a 700 metres. Pasmens, la mager part a de dimensions limitadas e passa rarament quauquei desenaus de metres d'autor.