Theodoros Katsanevas (en grec : Θε?δωρο? Κατσαν?βα?; Atenas , 13 de marc de 1947 ) es un universitari e politician grec . Foguet membre del Parlament grec pel PASOK de 1989 a 2004. Durant lo mes de mai de 2013 fondet lo DRACMA - Movement Democratic Grec Cinc Estelas (originalament: ΔΡΑΧΜΗ, Δημοκρατικ? Κ?νηση Π?ντε Αστ?ρων), en s'inspirar del partit de l'umorista italian Beppe Grillo , que demandava l'abandon de l' euro per tornar a la dracma . Foguet maridat a la filha del politician e ancian primier ministre grec Andreas Papandreou fins a son divorci en 2000. Segon la premsa escricha dins son testament Papandreou diguet que Katsanevas "era una vergonha per la familha" (en version originala: "?νειδο? τη? οικογ?νεια?").
En febrier de 2014 Katsanevas entamenet d'accions judiciarias contra un wikipedian de la version grega de l'enciclopedia electronica, l'utilizaire Diu , pr'amor de l'inclusion d'aquesta informacion dins sa biografia , e a l'encop contra la societat de logicials liures "GFOSS", tanben coneguda coma "EELLAK", e mai se cap dels dos an pas de contrarotle sul contengut de la Wikipedia. Dempuei aquel moment, aquela ataca juridica a generat lo fenomen sonat efiech Streisand qu'a generat l'aparicion de la biografia de l'interessat e de l'informacion a prepaus del testament dins mantuna version linguistica del mond wikipedic. La Fondacion Wikimedia se deu trachar de la defensa de l'acusat.