Un article de Wikipedia, l'enciclopedia liura.
Tell Abu Hureyra
qu'ei un sit arqueologic situat au nord-est de la
Siria
actuau (au nord-oest de l'anciana
Mesopotamia
), dens la vath d'
Eufrates
, qui esto aucupat au
Mesolitic
e au
Neolitic
. L'arqueolog britanic Andrew Michael Tangye Moore que haso cavaments dens aqueth sit en 1972 e 1973 abans d'estar negat devath las aigas deu lac
≪al-Assad≫
format per la construccion de la
paishera
de Tabqa, inaugurada en 1976. Lo sit que muisha las originas de la
domesticacion
deus animaus e de las plantas atau com lo processus de neolitizacion deu
Proche Orient
(qu'ei a diser, lo passatge d'ua societat de
cacadors-cuelhedors
a ua societat d'agricultors-neuridors).
A l'Epipaleolitic (Mesolitic/
Natofian
) (enter los millenis X e IX abC), la partida nord deu sit (
Tell Abu Hureyra 1
) n'ei pas sonque aucupada per un simple vilatge de 200 a 300 abitants. Los ustilhs trobats que son tipics de l'Orient Mejan ad aquera epoca. La presencia d'importants vestigis vegetaus (
leguminosas
,
cerealas
) e animaus (gaselas,
motons
,
crabas
, muscles d'aiga doca,
peishes
) qu'implica ua populacion ja sedentarizada qui, en mei de la caca, practicava ua forma rudimentaria d'agricultura. Aqueth purmer sit qu'esto abandonat de cap a 8500 abC, dilheu pr'amor de l'episodi d'en·hredament climatic coneishut com
Dryas recent
.
De cap a 7500 abC, lo loc qu'esto tornat aucupat (
Tell Abu Hureyra 2
) per ua populacion hera mei nombrosa (de 2 000 a 3 000 estatjants) e que vado l'establiment mei gran deu Neolitic ancian dens la region. Lo sit qu'era en contact dab l'ensemble deu Proche Orient (
Anatolia
,
mar Arroja
, costa mediterranea), e la soa economia qu'era basada sus l'
agricultura
(dilheu adaigada) e l'
eslhevatge
. La recerca arqueologica que i trobe objectes de
silex
, d'obsidiana, d'
argela
, d'
os
atau com peiras semipreciosas. Aqueth dusau sit qu'esto abandonat de cap a 5900 abC per causas climaticas (
rescauhament de la temperatura
, baisha de las precipitacions) e demograficas (usatge abusiu de las ressorcas naturaus).