Un article de Wikipedia, l'enciclopedia liura.
Space Exploration Technologies Corporation
, coneguda jol nom
de
SpaceX
, es una societat americana (USA) de transport aerospacial.
Es estada creada en 2002 per
Elon Musk
amb per toca de far mermar lo cost
desplacaments entre la Terra e l'espaci. Las fusadas emplegadas an per nom Falcon.
Es un dels dos prestataris privats que la
NASA
fiset un contracte de transport de fret cap a l'
Estacion Espaciala Internacionala
(ISS) dins l'encastre del programa
COTS
.
La societat SpaceX concep, construtz e comercializa los
lancaires
Falcon 9
, los motors
Merlin
que las propulsan e lo vaissel cargo
Dragon
e sa version
abitada
. Lo lancaire
Falcon 1
que foguet lo primier lancaire de la societat es pas pus en servici. Apres tres fracasses en 2006, 2007 e 2008, aguet luoc lo 28 de setembre de 2008 lo primier succes del lancaire Falcon 1, que metet puei en orbita lo satellit d'observacion malaisian RazakSAT durant son cinqen vol, lo 13 de juilhet de 2009. Lo cargo espacial Dragon lancat per una fusada Falcon 9 obra dins l'encastre del programa d'avitalhament de l'Estacion espaciala internacionala. SpaceX, qu'emplega mai de 4 000 personas (2015) mai que mai en
California
, dispausa en mai de doas installacions de lancament sus la
basa de Cap Canaveral
(los pads SLC-40 e 39A), un a
Vandenberg Air Force Base
(lo pad SLC-4E) e un autre es a se bastir dins lo sud de
Texas
, a Boca Chica. SpaceX dispausa tanben d'un banc d'ensages per sos motors en Texas.
Lo
6 de febrier
de
2018
la fusada
Falcon Heavy
es lancada amb succes e placa en orbita eliocentrica la
Rooadster Tesla
d'
Elon Musk
.
Lo
30 de mai
de
2020
, la fusada
Falcon 9
e lo vaissel
Crew Dragon
fan son primier lancement d'un equipatge per
NASA
cap a l'
Estacion Espaciala Internacionala
.