Un article de Wikipedia, l'enciclopedia liura.
La
Revolucion Neolitica
designa la premiera
revolucion agricola
que se debanet principalament durant lo
Neolitic
. Se caracterizet per la transicion progressiva de comunautats de cacaires cuelheires nomadas o seminomadas vers de comunautats d'
agricultors
sedentaris. Lei regions dau
Creissent Fertil
ne'n fogueron lo premier centre, mai la transformacion apareguet de maniera independenta dins d'autrei regions dau monde. Menet a l'aparicion dei
culturas
e dei
civilizacions
sedentarias de l'
Antiquitat Auta
. En mai de l'
agricultura
, la Revolucion Neolitica regarda tanben l'evolucion dei tecnicas
artesanaus
e l'organizacion sociala amb l'aparicion d'una
division espaciala dau trabalh
marcada per l'aparicion de quartiers especializats.
L'idea de ≪ revolucion neolitica ≫ foguet popularizada en 1925 per l'
arqueolog
australian
Vere Gordon Childe
. Rescontret un gros succes dins lei mitans
scientifics
e venguet tanben popular au sen dau public. Pasmens, l'expression es desenant nuancada per leis arqueologs. La ≪ revolucion ≫ foguet en realitat mai una mutacion dei societats vers l'
agricultura
car i avia ja de comunautats de cacaires cuelheires sedentarias que mestrejavan de tecnicas de conservacion permetent de gardar de quantitats importantas de norridura. En mai d'una region, l'aspecte ≪ neolitic ≫ d'aquelei transformacions es egalament discutible car l'existencia d'un
artesanat
ben establit es atestat avans l'epoca neolitica. Dins aquo, en despiech d'aquelei reservas, l'expression demora forca emplegada dins lei trabalhs istorics per resumir lei mutacions menent a la sedentarizacion, a l'adopcion d'una economia de produccion e a la mesa en placa d'una organizacion sociala novela.
- (fr)
Jean-Paul Demoule (dir.),
La Revolution neolithique en France
, Editions La Decouverte e Inrap, 2007, 180 p.
- (fr)
Jean-Paul Demoule (dir.),
La revolution neolithique dans le monde
, CNRS editions, coll. ≪ Biblis ≫ (n° 270), 2023, 490 p.