Un article de Wikipedia, l'enciclopedia liura.
La restanca de las Tres Gorjas en 2009.
La
Restanca de las Tres Gorjas
es una restanca sus lo
flume Yangzi
dins lo districte de
Yiling
e la provincia de
Hubei
en
China
.
Foguet mesa en servici per etapas de 2003 a 2012 e creet una retenguda de
600 quilometres
de longor.
Se tracta de la pus granda
centrala idroelectrica
al monde
[1]
. La restanca genera en mejana 95 ± 20 TWh d'electricitat per an, en foncion de la quantitat annadiera de precipitacions dins lo bacin idrografic. Apres las precipitacions abondantas de la
monson
de 2020, la produccion annadiera de la restanca a gaireben atenh 112 TWh, en batent lo precedent record mondial d'aperaqui 103 TWh establit per la
restanca d'Itaipu
en
2016
.
Lo cos de la restanca foguet acabat en 2006. La centrala electrica del projecte foguet acabada e plenament fonccionala lo
4 de julhet
de
2012
quora la darriera de las principalas turbinas idrolicas de la centrala sosterana comencet de produire. Cada turbina idrolica principala a una capacitat de 700 MW. En coplant las 32 turbinas principalas de la restanca amb dos generators pus pichons (50 MW cadun) per alimentar la quita centrale, la capacitat de producion electrica totala es de 22 500 MW. Lo darrier element major del projecte, l'ascensor de batels foguet acabat en decembre de
2015
.
En mai de produire d'electricitat, la restanca es destinada a aumentar la capacitat de transport du flume Yangzi. En fornissent un espaci d'estocatge de las cregudas, la restanca redutz lo potencial d'
aigats
en aval qu'istoricament toqueron la plana de Yangzi. En 1931, los aigats del flume causeron la mort de fins a 4 milions de personas. En consequencia, China considera lo projecte coma un succes social e economic monumental, amb la concepcion de grandas turbinas a la punta de la technologia, e un movement vers la limitacion de las emissions de
gases d'efiech de serra
. Pr’aquo, la restanca provoquet de cambiaments ecologics, especialament un risc crescut d'emboden. Per aquesta rason, la restanca foguet controversiada tant al nivel nacional qu'a l'estrangier.
- ↑
(en)
The Top 100 - Part I The World's Largest Power Plants
