Quiron
(nom complet :
(2060) Quiron
o
95P/Quiron
; simbol astrologic:
) es un
asteroide
cometari de tipe
centaure
qu'orbita a l'entorn dau
Soleu
entre
Saturne
e
Uranus
. Descubert en 1977, es lo premier objecte conegut de la classa dei centaures, un ensemble d'asteroides que presentan de caracteristicas proprias ai
cometas
. Per aquela rason, Quiron es probablament un cors de la
cencha de Kuiper
arribat i a quauquei miliers d'ans dins lei regions internas dau
Sistema Solara
.
Quiron foguet descubert lo 18 d'octobre de 1977 per l'
astronom
estatsunidenc
Charles T. Kowal
gracias au
telescopi
de 1,2 m de l'
observatori dau Mont Palomar
[1]
. Dins aquo, era estat fotografiat per lo premier cop lo 24 d'abriu de 1895 e apareis sus plusors clichats ancians. Sa natura precisa foguet pas ben compresa. A l'epoca, era l'
asteroide
pus luechenc conegut e Kowal suggeriguet que l'objecte poguesse esser una
cometa
. Aquo explica l'origina dau nom Quiron, atribuit en 1978, per exprimir la possibla natura dobla asteroide/cometa en remandant a la dualitat
ome
/
cavau
dau
centaure
Quiron
.
Dempuei sa descuberta, Quiron a marcat l'actualitat de l'astronomia en causa de son comportament particular. En 1988-1989, fogueron observadas una aumentacion sobda de sa luminositat e l'emission d'una coa e d'una cabeladura
[2]
. Pasmens, amb un diametre de mai de 150 km, era pas possible d'assimilar Quiron a una cometa. Foguet donc creada la categoria dei centaures per descriure aqueu tipe d'objecte. L'autre eveniment important aguet luoc en 2015 amb la descuberta d'un sistema d'aneus. D'efiech, apres la descuberta d'un sistema d'aneus a l'entorn de l'
asteroide cometari
Cariclo en 2014, una cola menada per Jose Luis Ortiz estudiet Quiron per assair de trobar una estructura similara
[3]
.
Coma totei lei centaures, Quiron es un objecte mau conegut. Es esferic mai lei variacions de sa
luminositat
empedisson un calcul precis de son diametre qu'es estimat entre 166 e 271 km. Son espectre es similar ais
asteroides
de tipe carbonat o au nucleu de la
cometa de Halley
[4]
. Sa composicion es desconeguda mai de mesuras realizadas sus la coa cometaria an mostrat la presencia de compausats carbonats e azotats (
monoxid de carboni
,
cianurs
). Au ritme actuau d'emission, es possible que la mager part de Quiron siegue vaporizada dins quauquei milions d'ans.
Aqueu fach pausa la question de l'origina de Quiron. Segon lei calculs, son orbita es pauc establa e es quasi impossible de determinar sa posicion precisa i a quauquei miliers d'ans. Leis
astronoms
pensan donc qu'es un objecte en provenancia dei regions externas dau
Sistema Solar
arribat recentament dins la zona dei planetas gigantas. Sa talha similara ais objectes descuberts dins la
cencha de Kuiper
sosten aquela
ipotesi
.
Lo sistema d'aneus de Quiron auria un diametre d'environ 324 km. Auria un rotle dins lei variacions de luminositat de l'asteroide car son angle d'enclinason rebat mai o mens de lutz vers la
Terra
. Son origina es pas coneguda.
Quiron a una
orbita
pron
circulara
qu'es descentrada a respecte dau
Soleu
. Son perieli es situat a 8,53 ua, es a dire a l'interior de l'orbita de
Saturne
. En revenge, son afeli se troba a 18,87 ua, en dela de l'orbita d'
Uranus
. Es pauc clinada (6,9°) e es una resonancia 2:1 existis benleu amb Saturne. Segon lei calculs actuaus, Quiron deu ocupar aquela trajectoria dempuei solament 2 000 ans. A terme mejan, dins aperaqui 10 000 ans, deuria venir una cometa de periode cort en causa de l'influencia
gravitacionala
de Saturne.
Quiron es un objecte de
magnitud aparenta
situada entre 14,9 e 18,93. Son observacion es donc malaisada e existis pas de
fotografias
detalhadas de sa superficia. Una mission d'estudi estatsunidenca es en cors d'estudi per la
NASA
dins l'encastre dei programas
New Frontiers program
o
Flagship missions
.
- ↑
Kowal, Charles T.; Liller, William; Marsden, Brian G. (December 1978). "The discovery and orbit of /2060/ Chiron". In:
Dynamics of the Solar System; Proceedings of the Symposium, Tokyo, Japan, May 23?26, 1978
. 81: 245?250.
- ↑
Hartmann, William K.; Tholen, David J.; Meech, Karen J.; Cruikshank, Dale P. (January 1990). "2060 Chiron - Colorimetry and cometary behavior".
Icarus
.
83
(1): 1?15.
- ↑
Ortiz Moreno, Jose Luis; Duffard, Rene Damian; Pinilla-Alonso, Noemi; Alvarez-Candal, Alvaro; Santos-Sanz, Pablo; Morales Palomino, Nicolas Francisco; Fernandez-Valenzuela, Estela del Mar; Licandro, Javier; Campo Bagatin, Adriano; Thirouin, Audrey (2015). "Possible ring material around centaur (2060) Chiron".
Astronomy & Astrophysics
.
576
: A18.
- ↑
Luu, Jane X.; Jewitt, David C. (September 1990). "Cometary activity in 2060 Chiron".
Astronomical Journal
.
100
: 913?932.