Un pronom es un element gramaticau que remplaca un nom dens ua frasa . Segon la lor relacion dab los elements deu contexte, poden estar destriats en tres grops. Los pronoms anaforics son los que remplacan un element deu contexte, generaument un grop nominau (pronoms personaus conjunts, pronoms relatius qu'an un antecedent, etc.). Los pronoms deictics son los pronoms que designan directament un referent que's troba dens la situacion d'enonciacion (pronoms personaus, pronoms demonstratius, etc.). Los pronoms sens nat de referent son los pronoms que ne remplacan pas nat element deu contexte e que ne son pas tanpoc deictics. Lei mei corrents son los indefinits, los relatius sens nat antecendent e quauques interrogatius.