Lo polo es un esport equestre collectiu. Doas equipas fan a luchas per menar una palma de fusta o de plastic entre los pals adverses. Los jogadors tustan la palma amb una maca del margue long de bambo. Lo joc de polo de referencia se joga amb velocitat per un camp de 300 iardes de long e 200 de larg (environ 275 m per 160 m). Cada equipa es constituida de 4 jogadors e lor montura. Los postes se repartisson aital: lo numero 1 es l’atacant; lo numero 2 fa lo centre ofensiu; lo numero 3 lo centre defensiu; lo numero 4, l’arrier, li dison tanben lo “back”.

Existis un sistema d'andicap que ordena los jogadors de -2 a 10 d'andicap. Los -2 o -1 son de jogaires comencants. Los 0 (zeros) son jogaires pus experimentats. Cal esser 4 d'andicap per poder jogar a un nivel internacional. Los 10 (Detz) son una ponhada per lo mond e quasi asorats coma mieg-dieus.

Las partidas son constituidas de 4 a 8 periodes o chukka (lo u es accentuat e se prononcia coma a Seta). Cada periode dura 7½ minutas de joc efectiu.

Dos cavaliers (umpires en angles) arbitran la partida; un tresen arbitre (lo referi) se ten solet, a distancia, per las tribunas. Deu s’agir d’un ancian jogaire plan coneissent o d’un arbitre forca experimentat.

Lo polo se practica a un nivel amator, e mai es a creisser d’un biais espectaclos jos aquela forma en particular en Occitania e en Franca. Las equipas podon esser de 3 jogaires. Se pot jogar amb un balon al luoc de la palma. Lo terren de polo pot esser dividit per detz. Se parla de paddock polo o de polo pichon (per oposicion al polo bel).

L'expression "polo bel" o "polo grand" se referis al polo professional de nivel naut o high goal. Parlam de partidas que los andicaps cumulats dels jogadors toca ensus 23 gols (per exemple 3 jogaires 6 d'andicap e un jogaire 7). Fins a 12 gols se parla de nivel bas o low goal, entre las doas extrimitats de mieg-gol.

Lo polo es un esport pus dubert que se pot generalament creire. Es un esport passionant que demanda qualitats de jogaire, de cavalier, d'elevaire e mai qualitats proprias als gents de caval.