Un article de Wikipedia, l'enciclopedia liura.
Lo
nucleu atomic
qu'ei la partida centrau de l'
atom
. Qu'ei entornejat per ua nubla d'
electron
(s).
Qu'ei hera mei petit que l'atom sancer - nucleu mei nubla electronica - (145 000 vegadas mei petit entau nucleu d'
idrogen
- lo mei petit deus nucleus - e "sonque" 25 000 vegadas mei petit dens lo cas de l'
urani
- un deus magers - ) e que concentra la mager part de la soa massa.
Que's compausa de nucleons de duas menas, tan vau diser de
protons
e de
neutrons
. Los protons que possedeishen ua carga electrica positiva mentre qui los neutrons be son neutres. Protons e neutrons que's compausan de particulas elementaras conegudas dab lo nom de
quarks
.
La disciplina qui estudia lo nucleu atomic qu'ei la
fisica nucleara
.
L'existencia deu nucleu atomic que ho demostrada en
1911
merces a la famosa
Experiencia de Rutherford
, miada, devath la direcion d'
Ernest Rutherford
, per
Hans Geiger
e
Ernest Marsden
. Que consisti en bombardar ua huelha d'
aur
dab
particulas α
(tan vau diser nucleus d'
eli
) en beth constatar qu'ua petita partida d'aqueths qu'era desviats per'mor deu lor impacte contre los nucleus deus atoms d'aur.