Un Mercat , en economia , es un ensemble de transaccions de procediments o d'escambis de bens o servicis entre d'individus. Lo mercat fa pas referencia directament al benefici o a las entrepresas , mas simplament a l'acordi mutual dins l'encastre de las transaccions. Aquelas podon aver coma participants d'individus, d'entrepresas, de cooperativas, d'ONG, entre d'autres.

Lo mercat es tanben l'environament social (o virtual) que dona las condicions per l'escambi. En d'autres mots, se deu interpretar coma l'institucion o organizacion sociala que los ofreires (productors, vendeires) e demandeires (consomators o crompraires) d'un tipe detereminat de ben o servici, dintran dins una estrecha relacion comerciala per de realizar de transaccions comercialas.

Los primiers mercats de l'istoria foncionavan mejancant lo troc . Apres l'apareisson de la moneda , comenceron a se desvolopar de codis de comerci que, en darriera instancia, ne resultant las entrepresas modernas nacionalas e internacionalas.

A mesura que la produccion aumentava, las comunicacions e los escambis comenceron a exercir un rotle mai important dins los mercats.

Una definicion de mercat segon lo marqueting: Organizacions o d'individus amb de besonhs o de desirs qu'an la capacitat e qu'an la volontat per crompar de bens e de servicis per satisfar los sieus besonhs.

Diferentas definicions [ modificar | Modificar lo codi ]

• Un mercat es un arrengament que que sia que permet que los crompaires e vendeires obtengan d'informacions e i fagan de negocis entre eles ^[1]
• Un mercat es un mecanisme mejans que los crompaires e de vendeires interagisson per determinar lo pretz e d'escambiar de bens e de servicis. ^[2]
• Un mercat es un grop de crompaires e vendeires d'un ben o servici en particular. ^[3]

Tipes de mercats [ modificar | Modificar lo codi ]

Entre las diferentas de classas de mercats se podon distinguir:

• Los mercats de detalh e los mercats de gros o de distributors.
• Los mercats de produchs intermediaris o de materias primieras.
• Los mercats de valors (de borsas de valors ).

Autra division o classament se pot far ^[4]

• Segon lo tipe de bien o servici que s'escambia , podem parlar de mercats de bens e servicis e de mercats de factors de production . Dins una economia de mercat, los mercats de bens e servicis son aqueles que determinan co que se deu produire e los de factors respondent als problemas de saber cossi e per qui produire.
• Segon lo gra de competencia o de l'estructura del mercat, parlam de mercats concurrencials e non concurrencials. Dins lo primiers, lo nombre de participants es forca naut pas degun a lo poder sus las condicions del mercat, es a dire, pretz e quantitat. Dins los segonds, que lo nombre de participants sia mai redusit o per d'autras causas que seran explicadas mai tard, unes dels participants dins lo mercat a un cert poder sobre la determinacion del pretz e/o de la quantitat.
• Segon lo gra de regulacion , los mercats podon esser liures o regulats. Un mercat es liure quand pas cap d'autoritat controtla las condicions del mercat, de biais que los participants crompan e vendon liurament, e lo pretz es lo resultat de l'interaccion d'ofertas e de demandas. Parlam de mercats intervencionistas o regulats quand lo pretz o la quantitat son determinats per quicom fora del mercat.
• Tanben existisson de ≪mercats negres≫. Aqueles fan referencia als mercats que foncionan al marge de la legalitat, que sia que s'escambia de bens e de servicis illegals, o que las activitats que realizadas escapan al contrarotle de las autoritats economicas e son pas comptabilizadas dins lo produch nacional d'un pais.

Lo terme mercat s'emplega tanben per se far referencia a la demanda de consomacion potenciala o estimada. Lo concepte classic de mercat de liure concurencia definis un tipe de mercat ideal, ont la quantitat dels agents economics en interrelacions, tant los crompaires coma los vendeires, an pas la capacitat de modificar lo pretz (concurencia pura e perfiecha), se n'es autrament, dins un mercat ont concorrisson un nombre redusit de vendeires, es un oligopoli . Dins lo cas extrema, a ont la competencia es inexistenta, se destria lo mercat qu'es contarotlat per un sol productor: un monopoli . Dins totas aquelas situacions i a los productors partejant lo mercat amb una granda quantitat de crompaires, amb paucs o amb pas mai qu'un. Segon l'estructura interna, lo nombre d'agents que participan al mercat e lo nivel de concurrencia, se los podon classificar en:

• Mercats de concurrencia pura e perfiecha.
• Mercats de concurrencia imperfiecha.

Mercat de concurrencia perfiecha [ modificar | Modificar lo codi ]

Totes los mercats son pas eficaces dins lo sens que pas per totes existis de condicions tecnicas requeridas per una concurrencia perfiecha. Los mercats eficaces o de concurrencia perfiecha son aqueles ont existisson forca vendeires e crompaires d'un meteis ben o servici que pas degun d'aqueles, agissent independentament, pot influenciar sus la determinacion del pretz e qu'aquel es donat e fixat per las quita forcas del mercat.

La concurrencia pura e perfiecha es una representacion idealizada dels mercats de bens e servicis que l'interaccion reciproca de l'oferta e la demanda determina lo pretz. Un mercat de concurrencia pura e perfiecha existis quand i a forca crompaires e forca vendeires, de biais que pas cap de crompaire o vendeire individual exercis una influencia decisiva sul pretz. Per que se realize, se cal complir aqueles set elements:

1. Existencia d'un grand nombre de ofreires e demandaires. La decision individuala de cadun d'eles realizara pauc d'influencia sul mercat global.
2. Omogeneitat del producte. Existisson pas de diferencias entre los produchs que vendon los ofereires.
3. Transparencia del mercat. Totes los participants an plena coneissenca de las condicions generalas on se reliza lo mercat.
4. Libertat d'intrada e sortida de las entrepresas. Totas las entrepresas, quand o desiraran, poiran entrar e sortir del mercat.
5. Liure acces a l'informacion.
6. Liure acces a las ressorcas.
7. Benefici egal a zero al long terme.

L'essencia de la concurrencia pure e perfiecha fa pas tant refencia a la rivalitat qu'a la dispersion de la capacitat de contrarotle que los agents economics podon exercir al subjecte del mercat. Quand se viola o se realiza pas una d'aquelas exigencias de la concurrencia perfiecha se produsis una defalhenca de mercat .

Lo foncionament dels mercats en concurrencia perfiecha [ modificar | Modificar lo codi ]

Dins un mercat liure de restriccions o un mercat de concurrencia perfiecha, l'oferta e la demanda dels diferents bens determinan un pretz d'equilibri per cada plan, e a un dich pretz las entrepresas decidisson liurament de la quantitat de produire. Donc, lo mercat determina lo pretz e cada entrepresa accepta aquel pretz coma una donada fixa sus que pot pas influir. Quand la demanda d'un produch afectara pas significativament los possibles produchs complementaris o suplementaris, se poira definir la corba de demanda e determinar l' equilibri parcial per un mercat d'un ben unic. Amb lo pretz d'equilibri cada entrepresa individuala produira la quantitat que li indica sa corba d'oferta per aquel pretz concret. La corba d'oferta de cada entrepresa es condicionada per son cost de produccion. (Cost marginal en termes mai precises).

Al pretz ont se determina l'equilibri d'un mercat competitiu las entrepresas auran pas, en general, los meteisses beneficis. La causa es que, supausant que totas las entrepresas coneisson la meteissa tecnologia a cort terme, las installacions fixas de cada entrepresa son diferentas, de biais que los costes e de beneficis seran diferents.

Pasmens s'aquela situacion pot existir a cort terme (pr'aquo sia pas possible de cambiar la talha de l'entrepresa), se mantendra pas quand las organizacions capitaran a tornar adaptar los sieus procediments productius. En mai, los beneficis qu'obtengan las entrepresas mai eficientas, seran preses en compte per las companhias dels autres mercats o sectors. De nou, al cort terme, aquelas poiran pas quitar lo sector ont son, mas del moment que poiran liquidar lors installacions, o faran.

Atal, dins un mercat de concurrencia pura e perfiecha i a una tendencia a que se minimizen los costes e tanben s'equilibren los beneficis.

Lo terme "s'agota lo mercat", ven d'aquo meteis: se realiza l'objectiu de la concurrencia pura e perfiecha, que se maximiza los excesses d'oferta dels entreprenaires, e l'exces de demanda dels consomators. Un "mercat agotat" es ont se vendet e se crompet tot co que se produguet.

La concurrencia pura e perfiecha e l'eficiencia economica [ modificar | Modificar lo codi ]

Dins los mercats de concurrencia pure e perfiecha, lo benefici a long terme es nul, e que se un mercat ofriria la possibilitat d'obtener un benefici net d'un investiment fara dintrar totjorn mai de productors fins a que lo benefici s'annule. Naturalament en practica la concurrencia perfiecha es irrealizabla e a cort e terme mejan lo mercat es pas perfiechament concurencial, e es dins aquela situacion que las entrepresas podon obtener de beneficis. Quand lo mercat es pres d'esser perfiechament competitiu, las entrepresas que pretenon obtener de beneficis devon mai sovent profiechar de la tecnologia per reduire de costes e aumentar lo marge de benefici entre lo pretz de venta e lo cost unitari de produccion.

Mercats de concurrencia imperfiecha [ modificar | Modificar lo codi ]

Los mercats de concurrencia imperfiecha son aqueles ont de bens e de productors son sufisentaments grands per aver un efecte notable sul pretz. Existisson de diferents models d'aquel tipe de mercat entre eles lo mercat monopolistic e los diferents models oligopolistics . Existisson tanben de mercats ont un crompaire a una part sufisenta del mercat per influenciar lo pretz d'aquel tipe de mercats, unes dels exemples son los monopsonis e los oligopsoni .

La diferencia fondamentala amb los mercats de concurrencia perfiecha residis dins la capacitat qu'an las entrepresas d'ofertas de contrarotlar lo pretz. Dins aqueles mercats, lo pretz s'accepta pas coma una donada forastiera, mas que los ofreires qu'intervenon activament per sa determinacion.

En practica lo mercat real es imperfiech, la concorrencia perfiecha essent un parangon teoric. Al contrari, dins de mercats fortament monopolistics, la concurrencia se realiza entre los capitals, que cercan lo benefici maxim en concurrencia amb los investiments dins d'autres mercats.

En general, se pot afirmar que tant mai naut es lo nombre de participants, mai competitiu sera lo mercat, mas lo monopoli implica pas qu'existisca pas de concurrencia.

Noms e de tipes de mercat [ modificar | Modificar lo codi ]

Sul plan geografic [ modificar | Modificar lo codi ]

• Mercat internacional o mercat exterior: Es aquel que se realiza sus un o mai paises a l'estrangier.
• Mercat nacional o mercat interior : Es aquel que se realiza sus l'ensemble del territori nacional per l'escambi de bens e servicis.
• Mercat regional : Es una zona geografica determinada liurament, que coincidis pas de biais general amb los limits politics.
• Mercat metropolitan : Se tracta d'un airal dins e a l'entorn d'una vila relativament granda.
• Mercat local : Es aquel que se desvolopa dins los estaabliments comercials dins un airal metropolitan.

Exemples de mercat internacional que constituisson a l'encop un mercat regional son:

• Mercat interior de l'Union Europea
• Mercosur (Mercat Comun del Sud)

Segon lor natura [ modificar | Modificar lo codi ]

• Mercats financiers : son un mecanisme que permet als agents economics l'escambi d'actius financiers. En general, quin mercat que sia de materias primieras poiria esser considerat coma un mercat financier se l'intencion del crompaire es pas lo consomacion immediata del produch, mas lo retard de la consomacion dins lo temps.
  • Mercat obligatari : es un mercat financier ont los participants crompan e vendon de titols de deute, mai sovent jos la forma d'obligacion
  • Mercat de capitals : es un tipe de mercat financier ont los participants ofrisson e demandan de fons o de mejans de financament de mejan e long termes. En facia d'aque i a los mercats monetaris son aqueles s'ofris e se demanda de fons (liquiditats) de cort terme.
  • Mercat de valors : es un tipe de mercat de capitals que se negocia la renda variabla e la renda fixa d'una forma estructurada, mejans lo comerci de valors negociablas. Permet de menar lo capital de mieg e long terme dempuei los investissors cap als usatgiers.
  • Mercat primari: lo mercat primari o mercat d'emission es un mercat financier que s'emet de valors negociablas e que per se transmeton los titols pel primier cop. Los mercats de valors se destrian entre mercats primaris e segondaris, separant la fasa d'emission de valors e aquela de sa negociacion posteriora.
  • Mercat segondari: es una partida del mercat financier de capitals consacrat al comerci de valors que ja fogueron emesas dins una primiera oferta publica o privada, dins lo mercat primari.
• Mercat bilateral : es un mercat qu'un grop d'usatgiers genera un externalitat sus una autra destinacion, sus una plataforma que los met en contacte. Exemples de mercats bilaterales son: Las cartas de credit, Las consolas de videojocs, Las agencias de rendetz-vos. Los sites web d'enquants.

• Mercat captiu : es un mercar ont existisson una seria de barrieras de dintrada qu'empachan la concourrencia, e fan del lo mercat un monopoli o oligopoli. Es lo contrari dins lo liure mercat.
• Mercat gris : fa referencia al flus de mercas que se realiza mejans los canals de distribucion diferents d'aqueles autorizats pel fabricant o lo productor. A diferencia del mercat negre, las mercas 'grisas' son pas illegalas
• Mercat liure : sistema que lo pretz dels bens o servicis es en acord de consens entre los vendeires e los consomators, mejans las leis de l'oferta e la demanda. Requeris per son implementacion l'existencia de la liura concurrencia, co qu'a son torn requeris qu'entre los participants existis una transaccion comerciala sens constrencha, ni frauda, etc, o, mai en general, que totas las transaccions sian volontarias.
• Mercat negre : Terme utilizat per descriure la venta clandestina e illegala de bens, de produchs o de servicis, en violant la fixacion del pretz o lo racionamient impausat pel govern o las entrepresas.
• Mercat de trabalh : mercat ont s'exprimisson la demanda e l'oferta de trabalh. Lo mercat de trabalh a de particularitats que lo diferencia d'autres tipes de mercats (financier, immobilier, de materias primieras, etc.) que tracta de la libertat dels trabalhadors e lo besonh de garantir aquela. Disn aquel sens, lo mercat de trabalh es influenciat e regulat per l'Estat mejans lo drech de trabalh e per una modalitat especiala de contractes, los acords collectius de trabalh.

Lo Mercat segon lo Marqueting [ modificar | Modificar lo codi ]

Del punt de vista del marqueting, lo mercat es format de totes los consomators o crompaires actuals e potencials d'un produch determinat. Lo procediment de mesura es un aspecte fondamental de l'estudi dels mercats. La mesura dels fenomens de mercat es essencial pel procediment de provesir una informacion significativa per la presa de decisions. Los aspectes que son mesurats comunament son: lo potencial del mercat per un produch novel, los crompaires de grops segon las caracteristicas demograficas o psicograficas, las accions, percepcions o preferencias dels crompaires cap a una novela marca, o determinar l'efectivitat d'una novela campanha publicitaria. Per forca projectes d'enquesta, l'error de mesura pot esser forca mai granda que l'error factuala. Lo fach d'aver una compreneson clara del problema de la mesura e la forma de contrarotlar aquela error es un aspecte important del dessenh d'un projecte eficac d'estudi de mercats. Lo pretzfach de seleccionar e dessenhar las tecnicas de mesura es de responsabilitat de l'especialista d'enquesta. Pasmens, mai sovent la persona que pren de decisions deu aprovar las tecnicas de mesuras recomandadas e a deu esser segura qu'aquestas tecnicas son eficacas pel contrarotle de l'error de mesura. La talha d'un mercat, d'aquel pont de vista, demora en una estrecha relacion amb lo nombre de crompaire deurian existir per una oferta determinada. Totes los participants del mercat deirian reunir las tres caracteristicas: desir, renda e possibilitat d'accedir al produch.

Vejatz anben [ modificar | Modificar lo codi ]

Referencias [ modificar | Modificar lo codi ]

Bibliografia [ modificar | Modificar lo codi ]

• Aspers, Patrik (2011) Markets Cambridge. Polity Press.
• Bourdieu, Pierre (1999) Acts of Resistance: Against the Tyranny of the Market. The New Press.
• Harvey, David (2005) A Short History of Neoliberalism Oxford University Press.
• Hughes, Alex (2005) “Geographies of Exchange and Circulation: alternative trading spaces” Progress in Human Geography
• Krugman, Paul, Robin Wells & Kathryn Graddy (2007): Economics: European Edition ISBN 0-7167-9956-1
• Marshall, A. (1961). Principles of Economics. C. W. Guillebaud, Ed. 2 Vol. London: Macmillan.
• Peck, J. (2005) “Economic Geographies in Space” Economic Geography 81(2) 129?175.
• JORDAN CUNHERE (2014)"LO MERCAT E LOS SIEUS RASGOS" "NEW DIVER" 12(5) 1ERA EDIC, ALFAGUARA.

Ligams externes [ modificar | Modificar lo codi ]