Un article de Wikipedia, l'enciclopedia liura.
Menelik II
(17 d'aost de
1844
- 12 de decembre de
1913
) foguet lo negus de l'
Emperi Etiopian
dau 3 de novembre de
1889
au 12 de decembre de
1913
. Succediguet a
Yohannes IV
(
1872
-
1889
) e foguet remplacat per
Iyasu V
(
1913
-
1916
).
Era a l'origina lo fiu dau negus de
Choa
, un dei senhors feodau major de l'Etiopia dau segle XIX. En
1856
, venguet ostatge a la Cort de
Tewodros II
(
1855
-
1868
). I demoret fins a
1868
e sa fugida vers son pais natau onte foguet coronat negus un an pus tard. Refuset tanben de reconoisser la legitimat dau negus de
Tekle Giyorgis II
(
1868
-
1872
) e assaiet de reversar son successor
Yohannes IV
. Pasmens, son armada poguet pas resistir ais armas modernas de son rivau e deguet se sometre en
1878
. Obtenguet una autonomia larga en Choa e lo drech d'estendre son territori en direccion dau sud e de l'est. Gracias a una tiera de victorias e a de contactes bons ambe leis Europeus, creet pauc a pauc una armada poderosa e ben equipada que li permetet de conquistar Arsi, Kaffa, lo pais de Welayta e la
ciutat-estat
de Harar. A la mort de
Yohannes
, lei feus de Menelik representavan aperaqui la mitat dau territori etiopian e l'
aristocracia
auta de l'Emperi lo sostenguet per venir lo negus noveu.
Son reine marquet l'emergencia de l'
Etiopia
moderna amb una politica de defensa de l'
independencia
nacionala, de modernizacion de l'economia o deis institucions e de perseguida de l'expansion territoriala acomencada dins leis annadas 1880 que donet au pais son territori actuau. En particular, Menelik II venguet famos per sa
victoria d'Adua
(1
er
de marc de
1896
) contra lei temptativas de conquista
coloniala
italiana
. Favorizet tanben l'introduccion dei tecnologias occidentalas (creacion d'escolas, d'espitaus, bastida dau
camin de ferre
entre
Addis Abeba
e
Jiboti
... etc.). Pasmens, aquel esforc donet gaire de resultat en causa de la feblessa dau niveu iniciau de desvolopament de l'Emperi e la modernizacion regardet subretot la
capitala
.
En
1909
, Menelik II foguet tocat per una
malautia
greva e deguet a cha pauc abandonar lo poder. Per defugir un conflicte de succession entre lei partisans de sa frema e lei grands senhors etiopians, lo negus designet son felen
Iyasu
coma eiretier. Pasmens, lei tensions demoreron importantas e Iyasu foguet despausat tre
1916
car era jutjat trop proche d'
Alemanha
.