Pels articles omonims, vejatz U2 (omonimia) .

Lo Lockheed U-2 , escaissat " Dragon Lady ", es un avion monomotor de reconeissenca en nauta altitud utilizat per l' United States Air Force (USAF) e aperabans mes en servici per la Central Intelligence Agency (CIA). Pot fornir d'entresenhas jorn e nueit, en altitud forca nauta (21.000 m), e per totes los temps. ^[1] Foguet tanben utilizat per la recerca electronica, la calibracion de satellits e dins de tocas de comunicacion.

Lo U-2 es estat mai que mai emplegat durant mantun eveniment de la Guerra Freja , que subrevolet de longa l' Union Sovietica , China , lo Vietnam del Nord , e Cuba . En 1960, lo pilot de la CIA Gary Powers foguet abatut del temps que pilotava un U2 al dessus del territori sovietic. En 1962, un U-2 pilotat pel Major Rudolf Anderson, Jr. foguet abatut en dessus de Cuba per un missil sol-aire pendent la crisi dels missils cubans .

Lo U-2 que demoret en servici a la fin de la Guerra Freja, foguet utilizat mai de 50 ans. Participet a de conflictes coma l' Afganistan e l' Iraq , e a d'operacions multinationalas de l' OTAN . Lo trabalh de l'U-2 es uei de mai en mai executat per d'autres mejans coma, los satellits de susvelhanca, los drons de reconeissenca coma lo Northrop Grumman RQ-4 Global Hawk , e d'avions convencionals.

Referencias [ modificar | Modificar lo codi ]

1. ↑ Drew, Christopher. "U-2 Spy Plane Evades the Day of Retirement." The New York Times , 21 March 2010. Retrieved: 23 March 2010.