Lo LIGO ( Laser Interferometer Gravitational-wave Observatory , ≪Observatori d'ondas gravitacionalas per interferometria laser≫) es un observatori astronomic format per dos interferometres situats als Estats Units , en Loisiana e dins l'estat de Washington qu'a per objectiu la deteccion e l'estudi de las Ondas gravitacionalas .

Foguet fondat en 1992 per Kip Thorne e Ronald Drever de l'Institut Tecnologic de California ( Caltech ) e per Rainer Weiss de l'Institut Tecnologic de Massachusetts ( MIT ), segon una proposicion originala de Thorne e Drever de 1984 . Recebet lo sosten de la National Science Foundation (NSF). Amb un cost de 365 milions de dolars (USD de 2002), es estat lo mai grand e ambicios projecte jamai fondat per la NSF. La International LIGO Scientific Collaboration (LSC) es un grop format per qualques 400 cercaires de 40 institucions, que trabalhan per analizar las donadas del LIGO e autres detectors, e qu'ensajan tanben d'obtener de detectors mai sensibles dins lo futur. Dintret en foncionament lo 29 de junh de 2002 e l' 11 de febrier de 2016 s'anonciet la primiera deteccion directa d'ondas gravitacionalas realizada lo 14 de setembre de 2015 a las 09:51 UTC.