L'Archipela del Golag ( Архипелаг ГУЛАГ en rus ) es un libre de Aleksandr Isaievich Solzhenitzyn sortit en 1973 . L'Archipela del Golag tracta del sistema carceral e de trabalh forcat mes en placa en Union Sovietica . Escrit de 1958 a 1967 dins la clandestinitat, l'obratge se vol pas ni una istoria del golag ni una autobiografia, mas lo portaparaula de las victimas dels golags :Foguet escrit a partir de 227 testimoniatges de prisoniers e de l'experiencia de l'autor. Solzhenitzyn precisa que ≪ Lo libre conten pas ni personatges ni eveniments inventats. Omes e luocs i son designats amb los lors noms vertadiers ≫. Golag era un acronim utilizat per l'administration sovietica per designar l'organisme central encargat de gerir los camps de trabalh forcats en Union Sovietica. Lo terme archipela es utilizat per descriure la multiplication e l'escampilhament dels camps dins tot lo pais, coneguts sonque d'aqueles condemnats a los poblar, bastir o religar.

Lo libre es dins Los 100 libres del segle segon Le Monde : un classament de libres considerats coma los cent melhors del segle XX .