Un article de Wikipedia, l'enciclopedia liura.
Joan Felix
(en frances:
Jean Felix
;
Agde
,
3 de decembre
de
1885
-
Agde
,
31 d'octobre
de
1968
) era un politician occitan, qu'a mai d'esser consol de la vila lengadociana d'Agde de
1919
a
1944
, foguet
deputat d'Erau
de 1918 a 1928 e mai de 1932 a 1936.
Sortit d'una familha modesta,
Joan Felix
estudiet al collegi d'Agde ont obtenguet son bachelierat. Abandonet los estudes per s'avodar a la viticultura e militar a l'encop dins totes los gropaments politics e economics d'avantgarda. Aital venguet secretari de la federacion socialista d'Erau de 1912 a 1930 e mai secretari de l'union locala dels sindicats obriers
C.G.T.
de 1911 a 1914 e puei director del setmanier
Le Languedoc socialiste
de 1921 a 1940. Foguet mobilizat dins lo 258en R.I. quand comencet la
Primiera Guerra Mondiala
. Foguet fach sargent sul camp de batalha e foguet nafrat lo 21 d'agost de 1914 a Saint-Jean-de-Buzy (Meuse). Los alemands lo prengueron e lo fagueron presonier devant
Montfaucon
lo 21 de marc de 1916.
Aprep la fin de la guerra se presentet a las eleccions del 16 de novembre de 1919, sus la lista d'union socialista de defensa dels combatents e d'accion economica que capitanejava
Edoard Barta
, per tal de "denonciar totas las injusticias e prendre en man la defensa dels umils e dels interesses viticolas". Obtenguet 27.820 votes sus 88.094 votaires e foguet elegit al quocient electoral. Ben segur s'inscriguet al grop socialista e foguet membre de la commission del comerci e de l'industria, de la de las begudas e de la de l'igiena, sa coneissenca perfiecha dels problemas del mestier de viticultor li inspiret son anar al Parlament e justifiquet sas iniciativas e intervencions nombrosas, coma per exemple sus la destillacion des vins, la repression dels fraus, la reglementacion de la venda dels vins, l'assaniment d'aquel mercat important.