Pels articles omonims, vejatz gra e Celsius .

Lo gra Celsius (simbol: °C ) es l’unitat de l’escala de temperatura Celsius. Es una unitat derivada, introducha en 1948 ^[1] , dau Sistema Internacionau d'Unitats ^[2] .

Son nom fa referencia a l’ astronom e fisician suedes Anders Celsius , qu'inventet en 1742 una dei premiereis escalas centigradas de temperatura.

Definicions: l'escala Celsius de temperatura e son unitat, lo gra Celsius [ modificar | Modificar lo codi ]

L'escala Celsius t se definis per la diferencia t = T - T? entre doas temperaturas termodinamicas T e T? en kelvin (simbol: K), ont T? = 273,15 K ^[3] .

L’unitat de l'escala Celsius es lo gra Celsius (simbol: °C), per definicion egau en magnitud a l’unitat kelvin ^[3] : per exprimir una diferencia de temperatura , leis unitats ≪kelvin≫ e ≪gra Celsius≫ son equivalentas; en d'autrei termes, un interval de temperatura a la meteissa valor en gra Celsius o en kelvin.
Per exemple:

• la temperatura 37 °C correspond a 310,15 K (37 + 273,15 = 310,15)
• la temperatura 25 °C correspond a 298,15 K (25 + 273,15 = 298,15)
• 37 °C - 25 °C = 12 °C , e 310,15 K - 298,15 °C = 12 K

Lo gra Celsius es una unitat de l’Escala Internacionala de Temperatura.

L'escala Celsius s'utiliza per exprimir lei temperaturas dins lei situacions de la vida vidanta: temperatura de l'aire, de l'aiga, d'una persona, d'un forn, d'un refregidor... Tanben s'utiliza dins de domenis scientifics e tecnics, e mai en forca cas s'impause l'usatge de l'escala kelvin.

Diferencia entre l'escala Celsius e l’escala centigrada [ modificar | Modificar lo codi ]

L'escala Celsius se definis per un sol ponch fixe de 0 °C a 273,15 K ^[4] (qu'es la temperatura de fusion de l’aiga) e una unitat qu'a la meteissa valor que l'unitat de la temperatura termodinamica en kelvin .

Autrament dich, l’escala Celsius se definis pas per la temperatura d’ebullicion de l’aiga a 100 gras sota una pression d’una atmosfera au niveu de la mar: aquesta darriera definicion es la dau gra centigrad. Pasmens, la diferencia relativa es minima, 1/4000, la temperatura d’ebullicion de l’aiga estent de 99,975 °C ^[5] .

Istoric dau gra Celsius [ modificar | Modificar lo codi ]

Es a la 9 ^a Conferencia Generala dei Pes e Mesuras (CGPM), en 1948 , que lo Sistema Internacionau , entre lei tres termes de ≪ gra centigrad ≫, ≪ gra centesimau ≫, e ≪ gra Celsius ≫ chausiguet lo darrier.

L'usatge (encara pron frequent) de ≪ gra centigrad ≫ per designar lo gra Celsiu, es incorrecte.

Reglas d'escritura dau Sistema Internacionau d'Unitats [ modificar | Modificar lo codi ]

• Lo gra Celsius es la sola unitat que son nom comporta una majuscula ^[6]
• Lo simbol, indissociable , dau gra Celsius es ≪°C≫ . Es totjorn precedit d'un espaci insecable. Per exemple, s'escriu 25 °C (mai PAS 25°C, ni 25° C )
• A aquela unitat, se li aplica normalament lei prefixes dau Sistema Internacionau. Per exemple, se pot parlar de ≪ milligra Celsius (simbol: m℃) ≫: 0,005 °C = 5 m°C

Notas e referencias [ modificar | Modificar lo codi ]

1. ↑ ( fr ) BIPM - 1948
2. ↑ ( fr ) BIPM - tableu 3
3. ↑ ^3,0 et ^3,1 ( fr ) BIPM - kelvin
4. ↑ ( fr ) BIPM - Resolution 3 de la 9e CGPM
5. ↑ (en) About temperature
6. ↑ Unicament a l'iniciala dau segond mot

Liame externe [ modificar | Modificar lo codi ]

• Conversion de gra Celsius vers d’autreis unitats de temperatura