Lo golf de Bengala (en Bengalin : ??????????, Purba Samudra) es una mar que forma la partida del nord-est de l' Ocean Indian . En forma de triangle, es enquadrada a l'est per la peninsula indochinesa , e a l'oest pel soscontinent indian . Al nord del golf, se troba l'Estat indian del Bengala Occidental e de Bangladesh , d'ont li ven son nom. A sas extremitats meridionalas, se troba l'Illa de Sri Lanka a l'oest, e lo territori indian de las Illas Andaman e Nicobar a l'est.

Una granda partida dels flumes principals d' India s'escampan dins lo golf de Bengala: al nord, Ganges (o Ganga), Meghna e Bramapotra , e dins lo sud Mahanadi , Godavari , Krishna ( Kistna ) e Kaveri .

Los Sundarbans son una mangrova qu'ocupa lo delta de Ganges, de Bramapotra e de Meghna. Iraoadi , flume de Birmania s'escampa tanben dins la baia de Bengala.

Los principals ports indians sul golf son Chennai , l'anciana Madras, Visakhapatnam , Calcuta e Pondicherry .

Ligams externes [ modificar | Modificar lo codi ]