Ganges (Ganga)
Ganges a Varanasi
Mapa dens bacins de drenatge combinats de Ganges (irange), de Brahmaputra (violet) e de Meghna (verd).
Caracteristicas
Longor	2 510 km
Bacin	907 000 km 2
Debit mejan	12 230 m 3 ?s -1  ( Restanca de Farakka )
Riu
Font	Glacier de Gangotri
Geografia
Afluents principals
· Riba esquerra	Yamuna , Son , Mahananda
· Riba drecha	Mahakhali , Karnali , Koshi , Gandak , Ghaghra
Paises traversats	India , Bangladesh
Vilas principalas	Haridwar , Soron , Kannauj , Kanpur , Allahabad , Varanasi , Patna , Rajshahi Rajsh

Ganges (en indi : ????, Ga?g? , AFI : [???ŋ?aː], tanben dins forca lengas d'India) es un dels flumes magers del soscontinent indian , que raja cap a l'est a travers la plana gangetica del nord d' India cap a Bangladesh .

Lo flume raja a l'oest d' Imalaia per l'estat indian de Uttarakhand , e drena lo delta dels Sunderbans dins la Baia de Bengala . Foguet longtemps considerat coma un riu sacrat pels indos e venerat coma la diva Ganga dins l' indoisme . Foguet tanben important istoricament: forca ancianas capitalas provincialas o imperialas (coma Patliputra , Kannauj , Kara , Allahabad , Murshidabad , e Calcuta ) eran situadas per sas ribas. Ganges amb sos afuents drenan un bacin fertil de 1 000 000 km ² que conten una de las pus fortas densitats umanas del planeta. La prigondor mejana del flume es compresa entre 16 m e 30 m .

Escorreguda [ modificar | Modificar lo codi ]

Ganges comenca al jonhent dels rius Bhagirathi e Alaknanda . Bhagirathi es considerat per esser l'aiganaissent vertadier dins la cultura indo e la mitologia. ^[1] Las aigas de Alakananda venon de la fonda de las neus dels pueges coma Nanda Devi , Trisul , e Kamet . Bhagirathi raja al pe del glacier Gangotri , a Gaumukh , a un altitud de 3892 m. ^[2]

E mai que nombroses rius sian a l'origina de las aigas de Ganges, los sieis pus long e sos cinq jonhents son considerats coma sagrats. Aqueles sieis son Alaknanda , Dhauliganga , Nandakini , Pindar , Mandakini , e Bhagirathi . Los cincs jonhents, dits Panch Prayag , se troban al long d'Alaknanda. Aqueles son d'amont cap aval, Vishnuprayag , ont Dhauliganga rejonh Alaknanda; Nandprayag , ont Nandakini rejonh Alaknanda; Karnaprayag , ont Pindar rejonh Alaknanda, Rudraprayag , ont Mandakini rejonh Alaknanda; e finalament, Devprayag , ont Bhagirathi rejonh Alaknanda per formar lo Ganges propriament dit.

Apres de s'esser escolat subre 250km a travers de las vals imalaianas estrechas, Ganges emergis de las montanhas a Rishikesh , puei desboca sus la plana gangetica a Haridwar , vila de romavatge. A Haridwar, una paissiera voja una part de sas aigas dins lo canal de Ganges , qu'irriga la region d' Uttar Pradesh , mentre que lo riu, que lo cors es estat mai o mens sud-oest fins a aqueste punt, comenca ara de fluir cap al sud-est a travers de las planas d'India del nord.

Ganges seguis un trajecte corb de 800km en traversar las vilas de Kannauj , Farukhabad , e Kanpur . Sus lo camin es rejonh per Ramganga , que contribuis amb un debit annadier mejan d'aperaqui 500 m3/s. ^[3] Ganges rejonh Yamuna al Triveni Sangam (jonhent de tres rius) a Allahabad , un jonhent sagrat dins l'indoisme. A son jonhent, Yamuna es pus larg que Ganges, amb un debit de 2950vm3/s, ^[3] o aperaqui 58.5% del flux combinat. ^[4]

Ara s'escorrent cap a l'est, lo flume encontra lo riu Tamsa (tanben dit Tons ), que fluis cap al nord dempuei la cadena de Kaimur amb un debit mejan d'aperaqui 190 m3. Apres Tamsa es Gomti que rejonh Ganges, dempuei lo sud d'Imalaia. Gomti presenta un debit annadier mejan d'aperaqui 234 m3. Puei es Ghaghara , venent tanben del sud d'Imalaia, que lo rejonh. Ghaghara, amb un debit annadier mejan d'aperaqui 2990 m3, es lo pus grand afluent de Ganges. Apres lo jonhent de Ghaghara Ganges es rejonh al sud per lo riu Son , (1000 m3/s). Los rius Gandaki , puei Kosi , lo rejonhon ambedos pel nord, amb respectivament 1654 m3 e 2166 m3 de debit. Kosi es lo tresen pus grand afluent de Ganges, apres Tamsa que ven del nord, de Ghaghara e Yamuna. ^[3]

Referencias [ modificar | Modificar lo codi ]

1. ↑   [1] . ISBN 978-1-57607-042-0 .  
2. ↑   [2] . ISBN 978-81-7211-021-5 .  
3. ↑ ^{3,0 3,1} et ^3,2   [3] . ISBN 978-1-4020-5179-1 .  
4. ↑   [4] . ISBN 978-0-470-84987-3 .