Un article de Wikipedia, l'enciclopedia liura.
Endo Shusaku
es un escrivan japones (
Toquio
, 1923 ?
Toquio
, 1996). Batejat tanleu l’atge d’onze ans, exprimis dins tota son obra, influenciada per sa coneissenca de Bernanos, Mauriac e Claudel, la problematica de la fe crestiana en
Japon
, pais forca alonhat de l’ideia del monoteisme. Sis estudis literaris a Lion, de 1950 a 1953, li fornisson l’enquastre de son primier roman,
l’Ome blanc
(1955), pel quau obten lo Premi Akutagawa. Fa part de son experiencia occidentala dins
Estudis en terra estrangiera
(1965). Li temas del mau e del pechat ambe la responsabilitat se retroban dins
la Mar e la Poison
(1957; traduch en frances en 1979), qu'evoca leis experiencias scientificas que meneron de metges japones sobre de
presoniers de guerra
americans. Puei, son obra sec dos encaminaments parallels. Dins de racontes istorics, despinta lo destin di
crestians
japones del segle XVII dins
Silenci
(1966), onde s’interroga sobre lo sens del martiri, e ambe
lo Samorai
(1980), que barra aquel diptic sobre la fe e lo sacrifici. Utiliza tanben la ficcion contemporanea, amb umor, coma dins
Un neci remirable
(1959; traduch en frances en 1981), s’afana de decelar dinc la societat la coardesa e la paur de l’amor. Son escritura sobria mescla ficcion e confession intima en tot se demefiant del patetic, coma dins
Escande
(1986), que faguet tot bel just escande en Japon. Amai s’es non-conformista, Endo fa partida de l’establiment literari. Es membre de l’Academia dis Arts, foguet president del Pen?Club de 1985 a 1989 etc…
Son darrier libre,
lo Flume sagrat
(1994), es una quista religiosa sobre lo fons d’un viatge en
India
. Pareguet en Franca en 1996, l’annada de sa mort.