Un article de Wikipedia, l'enciclopedia liura.
Simbol estandard de l'
OTAN
per representar una division.
Una
division
es una unitat militara importanta generalament compausada de 10 000 a 20 000 omes. Es l'unitat militara pus pichona qu'es capabla d'organizar una operacion autonoma. Dins la mager part deis armadas modernas, una division es compausada de
bregada
o de
regiments
.
L'origina dau concepte de division apareguet dins lo corrent dau segle XVIII dins la pensada dau
manescau
Maurici de Saxonia
(1696-1750). Pasmens, moriguet avans de lo metre en placa e lei premiereis temptativas d'organizacion divisionaria fogueron l'obra de
Victor-Francois de Broglie
durant la
Guerra de Set Ans
(1756-1763). Maugrat un contexte generau defavorable ai
Frances
, l'idea mostret son interes e demoret dins lo camp de la reflexion militara francesa. Durant lei guerras de la
Revolucion Francesa
, foguet ansin adoptada e generalizada per
Lazare Carnot
e participet forca au succes deis armadas francesas. Un exemple caracteristic d'aquela superioritat sus leis autrei modes d'organizacion dau periode foguet la
campanha d'Italia
de
Napoleon Bonaparte
que capitet de vencer de forcas numericament superioras gracias a sei possibilitats.
DIns lo corrent deis
ans 1800
, a partir de l'organizacion divisionaria,
Bonaparte
imaginet lo concepte de
cors d'armada
. Permetent de desplacar pus aisament una armada importanta sus un teatre d'operacions. La division perdiguet ansin una partida de son importancia estrategica mai demoret una unitat de basa dins l'organizacion d'una forca militara. Durant lo segle XIX, son organizacion foguet ansin racionalizada amb l'adopcion de diferents models centrats sus una division de doas
bregadas
de dos o tres
regiments
. Pasmens, de models alternatius se desvoloperon coma aqueu de la division constituida de tres
regiments
sensa bregada. Durant l'entre doas guerras, aquela importancia organizacionala entrainet l'utilizacion dau nombre de divisions d'un pais coma simbol de sa poissanca militara terrestra. La
Segonda Guerra Mondiala
marquet l'apogeu de la division coma unitat organizacionala amb la mobilizacion d'armadas gropant de centenaus de divisions.
Dins aquo, apres
1945
, la modernizacion deis armaments entrainet una demenicion importanta dau nombre de divisions. D'efiech, en causa de la menaca de l'utilizacion de l'
arma nucleara
, leis unitats degueron venir pus leugieras, pus mobilas e pus dispersadas. Mai d'un pais chausiguet donc de demenir lo nombre de sei divisionq, co que creet un interes important per l'adopcion de la bregada coma unitat organizacionala de basa au niveu estrategic. Aquela evolucion foguet sensibla dins leis armadas occidentalas amb, per exemple, l'abandon dau model divisionari en
Franca
durant leis ans 2000. Pasmens, lei guerras recentas an mostrat lei limits d'aquela idea e la mager part deis armadas modernas tornan adoptar una organizacion a l'entorn de divisions.
