Lei defensors (o arriers) son de jogaires de fotbol que son pretzfach principau consistis en perturbar, o idealament empachar, lo juec d'ataca de l'adversari.

Si pou recuperar lo balon en seguida d'un duel ganhat per un defensor (accion individuala) o per una destabilizacion deis adversaris per una estrategia collectiva (intercepcion, provocacion d'un fora juec , etc.). Doncas outra la soliditat e la rigor fisica, lei qualitats importantas per un bon defensor son lo sangplan, la concentracion e l'intelligencia de juec, especialament per lo placament. Pendent longtemps s'estimava que lei defensors eran de "destructors" de juec, qu'avian pas de mostrar de capacitats tecnicas particularias. Es plus lo cas actualament, qu'an de participar a de pretzfachs ofensius.

Abitualament la linha de defensa si constituis de quatre jogaires, mai rarament tres o cinc. La defensa de quatre "tipica" compren dos arriers lateraus, que cadun joga d'un caire, e dos arriers centraus que li dien segon lo rotle "aplantaire" o " libero " (poste de mai en mai rare dins lo fotbol moderne).