Una corveta es un naviri militar leugier e rapid. Lo nom es aparegut tre l'epoca de la marina de vela. A l'ora d'ara, designa un tipe de naviri pus leugier qu'una fregata amb una longor entre 80 e 130 m e una massa inferiora a 2 000 t. Sei missions principalas son la proteccion d'una zona costiera o d'un grop de naviris pus importants. Per aquo, lei corvetas son equipats d'un blindatge leugier mai d'un armament important coma d'artilharia mejana, de missils o d'elicopters. Relativament economic, aqueu tipe d'unitats es forca utilizada per lei marinas militaras de talha intermediaria qu'an solament un litorau limitat de protegir e gaire d'ambicions oceanicas.