Comunautat dels Estats Independents

en violet: estats membres en rosa: estat associats
Membres	Armenia , Azerbaitjan , Bielorussia , Cazacstan , Quirguizstan , Moldavia , Russia , Tatgiquistan e Ozbequistan . Turcmenistan es un membre associat.
Seti Executiu	Seti: Minsk Secretari Executiu: Vladimir Ruichailo
Tribunal d'Arbitratge	Minsk
Assemblada Interparlamentaria	Sant Petersborg
Conselh Economic Consultiu	Minsk

La Comunautat dels Estats Independents (CEI) (en rus : Содружество Независимых Государств (СНГ)) es una confederacion o alianca d’onze de las quinze exrepublicas sovieticas de l' URSS : Armenia , Azerbaitjan , Bielorussia , Cazacstan , Quirguizstan , Moldavia , Russia , Tatgiquistan e Ozbequistan . Turcmenistan abandonet son estat de membre permanent e es membre associat dempuei lo 26 d'agost de 2005, mentre que Ucraina , que foguet un dels estats fondadors en 1991, jamai ratifiquet los estatuts de la CEI de 1993, venguet alara tanben solament membre associat. Georgia abandonet son estat de membre permanent en 2008 e Ucraina abandonet son estat de membre permanent en 2018.

Sa creacion se passet a la dissolucion de l' Union Sovietica e, segon Vladimir Putin , sa visada era de permetre un "divorci civilizat" entre las republicas constituissent l' URSS . Nombroses documents sus la cooperacion economica, la defensa e las relacions internacionals fogueron signats per sos Estats membres.

Istoria [ modificar | Modificar lo codi ]

Fondament [ modificar | Modificar lo codi ]

En 1991 , la dissolucion de l' Union Sovietica venguet inevitabla, malgrat que la majoritat de las republicas eran en favor de la continuacion de l'Union. Lo 8 de decembre, los dirigents de Russia , Bielorussia e Ucraina se reunigueron per crear la CEI e anonciar que totes las republicas poirian aderir.

Alara lo president de l' Union Sovietica ( Mikhail Gorbachov ) anonciet qu'una tala reunion era "illegala e dangierosa" e un "cop constitucional" per la nacion. Pasmens, leu venguet clar que se podia far pas grand causa contra. Lo 21 de decembre, los dirigents de onze de las quinze republicas sovieticas se reunigueron a Alma-Ata ( Cazacstan ) e signeron lo tractat. Es atal que nasquet la CEI e se dissolguet l'URSS.

Lo 25 de decembre, Mikhail Gorbachov abandonet la carga de president de l' URSS . Las tres republicas balticas ( Estonia , Letonia e Lituania ) signeron pas lo tractat, tot coma Georgia : los quatre paises argumenteron qu'eran estats forcats de s'incorporar dins l' Union Sovietica .

Los onze Estats a l'origina de la CEI fogueron Armenia , Azerbaitjan , Bielorussia , Cazacstan , Quirguizstan , Moldavia , Russia , Tatgiquistan , Turcmenistan , Ucraina e Ozbequistan . En decembre de 1993 , Georgia s'uniguet a la CEI aprep l'intervencion russa pendent la guerra civila.

Crisi actuala de la CEI [ modificar | Modificar lo codi ]

Entre 2003 e 2005, los presidents de Georgia , Ucraina e Quirguizstan fogueron alunhats del poder per una seria de revolucions ciutadanas. Los novels governs adopteron de posicions clarament en favor de l'Occident s'apartant de l'influencia de Moscou . Georgia adoptet la posicion pus radicala, prenent una actitud de desafisanca facia a la Federacion de Russia dins lo conflicte de l' Ossetia del Sud e Abkhazia . Un autre pais que se virava cap a l'Occident era Moldavia , se raprochant mai de l' Union Europea .

Rotle e organizacion de la CEI [ modificar | Modificar lo codi ]

Lo seti de la CEI se situa a Minsk ( Bielorussia ). Lo President de la CEI rep el es un Secretari Executiu . A l'ora d'ara la majoritat dels dirigents son estats russes o bielorusses. A l'ora d'ara l'organizacion es capitada per l'ancian Ministre de l'Interior rus Vladimir Ruichailo .

La CEI a coma tasca la coordinacion del comerci, de las financas, de las leis e de la seguretat dels estats membres. En realitat aqueles poders son exercits normalament, perque la CEI es criticada de interior coma de exterior. E per cambiar aquo, la prioritat pus importanta de l'organizacion es d'establir una zona franca a son entorn e una union economica de sos membres.

Institucions [ modificar | Modificar lo codi ]

Los membres de la CEI podon interagir e coordenar sas accions amb las institucions seguentas:

• Conselh dels Caps d'Estat
• Conselh dels Caps de Govern
• Conselh dels Ministres dels Afars Exteriors
• Conselh dels Ministres de la Defensa
• Assemblada Interparlamentaria (AI)

Las sessions de l'Assemblada Interparlamentaria se fan dos cops l'an a Sant Petersborg . Es compausada per de delegacions parlamentarias de cadun dels Estats membres. L'AI compta las comissions seguentas:

• Afars legals
• Economia e financas
• Politica sociala e Dreches umans
• Ecologia e Ressorsas naturalas

• Tribunal Economic
• Conselh Economic
• Comitat Executiu
• Conselh dels Comandants de la Frontiera
• Conselh de Seguretat Collectiva
• Banca Interestat
• Comitat Interestat de l'Estadistica

Taula dels Estats membres [ modificar | Modificar lo codi ]

En aquesta taula se troban totas las organizacions ligadas directament amb los paises de la CEI (TSC, Eurasia) e indirectament (CCA, lo Grope GUAM) e l'adesion a la CEI.

Paises	Adesion a la CEI	Ratificacion de l'adesion a la CEI	Ratificacion de la Carta de la CEI	Estatut actual	Participacion a l' Eurasec , (programa economic de la CEI)	Ratificacion del TSC [1]	Participacion al GUAM [2]	Participacion a la CEC [3]
Bielorussia	8 de decembre de 1991	10 de decembre de 1991	18 de genier de 1994	Membre fondador	Membre (aprep 2000)	31 de decembre de 1993	-	-
Ucraina	8 de decembre de 1991	10 de decembre de 1991	Pas ratificat	Membre fondador (1991-1993), aprep ESTAT PARTICIPANT o associat (1993-2018)	Estat observator (2000-2018)	Pas ratificat	Membre fondador (aprep 1997)	Estat observator ()
Russia	8 de decembre de 1991	12 de decembre de 1991	20 de julhet de 1993	Membre fondador	Membre fondador (aprep 2000)	15 de mai de 1992	-	Membre (aprep 2004)
Cazacstan	21 de decembre de 1991	23 de decembre de 1991	20 d'abril de 1994	Membre	Membre fondador (aprep 2000)	15 de mai de 1992	-	Membre fondador (aprep 2002)
Turcmenistan	21 de decembre de 1991	26 de decembre de 1991	Pas ratificat	Membre de plen drech (1991-1993), aprep Estat participant (1993-2007), e puei ESTAT ASSOCIAT (aprep 2007)	-	Pas ratificat	-	-
Armenia	21 de decembre de 1991	18 febrier de 1992	16 mars de 1994	Membre	Estat observator (aprep 2003)	15 de maig de 1992	-	-
Quirguizstan	21 de decembre de 1991	6 de mars de 1992	12 d'abril de 1994	Membre	Membre fondador (aprep 2000)	15 de mai de 1992	-	Membre fondador (aprep 2002)
Ozbequistan	21 de decembre de 1991	1 er d'abril de 1992	9 de febrier de 1994	Membre	Membre (2006-2008), a parti de 2008 estats membres autosuspenduts	15 de mai de 1992	Membre (1999-2005), ex membre (aprep 2005)	Membre fondador (aprep 2002)
Tatgiquistan	21 de decembre de 1991	26 de junh de 1993	4 d'agost de 1993	Membre	Membre fondador (aprep 2000)	15 de mai de 1992	-	Membre fondador (aprep 2002)
Azerbaitjan	21 de decembre de 1991	24 de setembre de 1993	14 de decembre de 1993	Membre	-	24 de setembre de 1993, aprep l'anullacion de 1999	Membre fondador (aprep 1997)	-
Moldavia	21 de decembre de 1991	8 d'abril de 1994	27 de junh de 1994	Membre	Estat observator (aprep 2002)	Pas ratificat	Membre fondador (aprep 1997)	-
Georgia	3 de decembre de 1993	3 de decembre de 1993	19 d'abril de 1994, aprep l'anullacion de 2008	Membre (1993-2008), EX-MEMBRE (aprep 2008)	-	9 de decembre de 1993, aprep l'anullacion de 1999	Membre fondador (aprep 1997)	Estat observator ()
Mongolia	-	-	encara pas ratificat	ESTAT OBSERVATOR en qualques organs de la CEI	-	-	-	-
Afganistan	-	-	encara pas ratificat	Vol aderir a la CEI	-	-	-	-
Serbia	-	-	encara no ratificat	Vol aderir a la CEI	-	-	-	-
Iran	-	-	-	-	-	Volon ratificar lo tractat	-	-
Turquia	-	-	-	-	-	-	-	estat observator ()

Referencias [ modificar | Modificar lo codi ]

1. ↑ Tractat de Seguretat Collectiva. (programa politic e militar de la CEI)
2. ↑ GUAM foguet un acordi regional entre quatre paises de la CEI: Georgia , Ucraina , Azerbaitjan e Moldavia per contrariar la influencia de Russia . Creet en 1997, amb la participacion d' Ozbequistan de 1999 a 2005, lo GUAM es a l'ora d'ara inactiu.
3. ↑ CEC o Comunautat Economica Centreasiatica. Participacion tractant destornar la supervision economica de Russia.

Vejatz tanben [ modificar | Modificar lo codi ]

• GUAM

Ligams externes [ modificar | Modificar lo codi ]