Lei clastras de l'abadia
dau Toronet
Lei
clastras
[1]
(var.
lo(s) claustre(s)
e
la(s) claustra(s)
) son una partida d'un
monasteri
, d'una
catedrala
o d'una
collegiada
, que consistis en un espaci centrau a ceu dubert envoutat per de
galarias
cubertas d'onte s'accedis ai ≪luocs regulars≫ (
sala capitulara
,
refectori
,
dormitori
...). Lei premiers exemples se troban dins d'edificis dependent de l'
Ordre de Sant Beneset
. Se lei clastras son
de facto
dempuei l'
Edat Mejana
un element important de l'
arquitectura
monastica en
Occident
, fau notar qu'existis ges de norma
de jure
que lei pertoque: contrariament a la majoritat deis edificis que compausan un monasteri, se mencionan pas dins lei
Reglas
deis Ordres.
Lei foncions dei clastras son multiplas: circulacion entre lei luocs regulars, lectura, reculhiment o simpla passejada.
Lo terme de
clastras
deriva de
claustrum
(
claustra
au plurau), co es ≪
sarralha
≫ o ≪luoc claus≫, terme
latin
utilizat per indicar la separacion dei monges dau segle, e, que per extension, designa lo monasteri.
Es posteriora l'identificacion dau ≪claustrum≫ ambe lo concepte de ≪clastras≫ definit cai subre. L'identificacion s'explica probable per la posicion centrala dei clastras, tant au sens arquitectonic coma au sens de son importancia dins la vida monastica.
L'espaci centrau a ceu dubert, generalament quadrangular
[2]
, es envoutat sus cada costat per de galarias cubertas que se duerbon sus l'espaci centrau per una seria d'
arcadas
. Son d'elements distintius dei clastras la separacion fisica dei galarias cubertas de l'espaci centrau per mejan d'una mureta bassa (ambe quauquei passatges obtenguts en interrompent la mureta), e la reduccion que ne resulta de la
lutz
dins lei galarias (leis arcadas son sostengudas per de colomnetas gaire autas). A l'entorn dei clastras se dispausan d'un biais relativament liure leis autrei luocs necessaris a la vida dei
monges
o dei
canonges
.
En generau (leis excepcions s'aprenon a la topografia) lei clastras e lei luocs regulars son dau costat meridionau de la
gleisa
, orientada segon l'axe est-oest. Aquesta tapa lo costat nord ambe seis estructuras pus autas que leis autrei cors de bastissa, aparant lei clastras dei vents d'ivern; lei portas d'acces a la gleisa se duerbon doncas ai doas extremitats de la galaria nord.
La sala capitulara es frequentament placada dau costat orientau, a proximitat dau
cor
de la gleisa; d'aqueu costat se troban tanben d'autrei locaus: la
sacristia
,
l'armarium
(biblioteca),
l'auditorium
(parlatori).
Dau costat opausat a la gleisa se duerbe generalament lo refectori, confrontant la
cosina
, a l'exterior dau quau se troba lo
lavabo
. Enfin dau costat occidentau es placat lo
celier
.
I a d'abadias de grandei dimensions onte se troban doas clastras, o ben unei clastras de mai d'un estanci.
Dins lo celebre plan de l'abadia de Sankt Gallen, se reconois lei clastras au centre (G)
- ↑
Segon lei
diccionaris
d'
Onorat
e de
Mistral
(<
Li clastro de Sant-Trefume
>), conven d'utilizar lo plurau. Au singular, la
clastra
designa la residencia d'un preire (sens indicat tanben per lei diccionaris de P. Boissier de Sauvatges, d'Avril e de Lois Motier).
- ↑
Lo pus sovent carrat o rectangular. Existisson quauquei rarei clastras triangularas.
- (
fr
)
Colleccion ZODIAQUE, en particular
Glossaire
e
L'Art Cistercien
.