Lo col (var. coth ) es la region del cors qu'es situada entre lo cap e lo resta del cors ( tronc ).

Per l' Ome e forca animals vertebrats , lo col es plan vesible. Per d'autres animals, se pot limitar a una simple articulacion del cors.

Lo col es la partida del cos que dona a la testa sa mobilitat.

Anatomia del col uman [ modificar | Modificar lo codi ]

Lo col es la via de passatge de forca visceras , Fa lo ligam entre la testa e lo tronc. Diferents elements vascularis, nervioses , muscularis o mai i passan. Anatomicament, la region del col es delimitada en arrier pel processus espinal de C7, lateralament par l'articulacion acromioclavicularia e en avant per las claviculas e lo manubrium esternal. En naut, se delimita aquela region per la linha superora de nuca en arrier e l'os ioide en avant tou en passant pel processus de la mastoide de l'os temporal del crani.

Los elements Vascularis [ modificar | Modificar lo codi ]

Pels sistema arterial, se distinguis d'en primier doas grosses vaissels que son l'arteria carotida primitiva e la subclaviara, eissida del tronc arterial braquiocefalic del costat drech e de la partida orizontala de l'arc aortic del costat esquerra. L'arteria subclaviara camina cap al membre superior, passant jos la clavicula e dins lo desfilat esclenic que ven arteria axiliaria. Dona de colateralas avant de passar dins lo desfilat escalenic que son:

• arteria toracica interne
• arteria vertebrale
• lo tronc tirocervical de que naisson la tiroidiana inferiora, la cervicala ascendanta, la cervicala transversa e la supraescapularia.
• lo tronc cervicointercostal que dona naissenca a la cervicala prigonda e a l'intercostala suprema.
• l'arteria escapulara dorsala

Per l'arteria carotida primitiva, se vei la forca carotidiana al nivel de C4 per donar las carotidas externe e interne. L'arteria carotida interne donara pas de colateralas sonque al cervel. Per la carotida externe, nais sul costat interne de la forca carotidiana e dona diferentas colateralas.

• sul costat anterior, del bas al naut, dona la tiroidiana superiora, la linguala e la faciale.
• sul costat posterior, dona del bas al naut, la faringiana ascendanta, la temporala, l'occipitala e l'auricularia posteriora.
• sas brancas terminalas s'identifican coma essent l'arteria temporala mejana e l'arteria maxillaria.

Pel sistema venos, es parallel al sistema arterial, la sola diferencia es dins la vena axillaria que ven vena subclaviera passant jos la subclaviaria mas en avant de l'escalen anterior e non pas dins lo desfilat escalenic coma lo fach l'arteria correspondanta.

Los elements viscerals [ modificar | Modificar lo codi ]

• Faringe
• Laringe
• Traquea
• Esofag

Los elements nervioses [ modificar | Modificar lo codi ]

• Plexus braquial
• Nervi frenic
• Nervi pneumogastric

Diametre del col coma indicadors [ modificar | Modificar lo codi ]

D'anomalias al respecte a la mejana del diametre del col podent esser indicators;

• indicadors de subrepes : Lo diametre del col (o Torn del col ) pot donar un indici fisador d'IMC anormalament naut per l'enfant de mai de 8 ans.
• Indicador d' ipertiroidia o d' opotiroidia
• risc d' apnea obstructiva du som ,
• risc aumentat de diabeta
• risc aumentat d' ipertension pels adultes.

Vejatz tanben [ modificar | Modificar lo codi ]

Notas e referencias [ modificar | Modificar lo codi ]

• Portal Medecina