Un article de Wikipedia, l'enciclopedia liura.
Lo
codi ATC
o
Sistema de Classificacion Quimica Anatomicoterapeutica
(ATC:
acronim
de
Anatomical, Therapeutic, Chemical classification system
) es un ensenhador de substancias farmacologicas e medicaments, organizats segons de grops terapeutics. Aqueste sistema foguet instituit per l'
Organizacion Mondiala de la Santat
, e es estat adoptat per
Europa
. Lo codi amassa los sistemas o organas subre los quals agis, l'efiech farmacologic, las indicacions terapeuticas e l'estructura quimica del medicament.
Aqueste codi es estructurat en cinc nivels:
Tracta un grop anatomic, o sia, l'organ o sistema subre lo qual agis lo medicament. Es una letra E existisson 14 grops en total.
Lo segond nivel del codi se basa sul grop terapeutic. Consistis en 2 caracters numerics.
Lo tresen nivel del codi se basa sul sosgrop farmacologic/terapeutic. Consistis en una letra.
Lo quatren nivel del codi se basa sul sosgrop quimic/farmacologic/terapeutic. Consistis en una letra.
Lo cinquen nivel del codi se basa sul nom de la substancia quimica o l'associacion farmacologica e consistis en dos caracters numerics.
Lo sistema de Classificacion Quimica Anatomicoterapeutica pels medicaments
veterinaris
(ATCvet) s'utiliza per classificar los medicaments veterinaris. Los codis ATCvet se podon crear per la collocacion de la letra Q al davant del codi ATC dels medicaments umans. Per exemple, la furosemida per usatge veterinari a lo codi QC03CA01.