Un article de Wikipedia, l'enciclopedia liura.
Situacion generala de la
Guerra de Secession
durant lo periode de la batalha de Shiloh.
La
batalha de Shiloh
se debanet dau 6 au 7 d'abriu de
1862
durant la
Guerra de Secession
(
1861
-
1865
). Opauset leis armadas
unionista
dei
generaus
Ulysses S. Grant
e
Don Carlos Buell
(67 000 omes) ai tropas dei
generaus
confederats
Albert S. Johnston
e
P. G. T Beauregard
(45 000 omes). S'acabet per una victoria nordista.
La batalha foguet la consequencia d'una temptativa sudista per s'opausar a la conquista de
Tennessee
per lo Nord. Un autre objectiu dei Confederats era d'empedir leis Unionistas d'agantar
Mississipi
. Per aquo, lei Sudistas organizeron una ataca suspresa contra lei forcas de
Grant
avans l'arribada d'un important renforc menat per
Buell
. Lei Nordistas degueron recular mai capiteron d'organizar una posicion defensiva sostenguda per plusors pecas d'
artilharia
. Lo generau
Johnston
foguet tuat durant aquelei combats e remplacat per
Beauregard
. Aqueu darrier organizet una ofensiva novela mai
Grant
mantenguet sa posicion. Lo 7, l'arribada dei tropas de
Buell
obliguet lei Confederats d'ordonar la retirada vers lo sud. Espaventats per sei perdas, lei Nordistas assaieron pas de lei perseguir.
Lei perdas dau combat fogueron considerablas amb la neutralizacion de 13 000 soudats nordistas (au mens 1 750 tuats) e de 10 700 combatents sudistas (au mens 1 700 morts). La batalha de Shiloh foguet ansin la batalha pus saunosa de l'istoria
estatsunidencas
fins a la
batalha de Gettysburg
en abriu de
1863
. Jutjat responsable dau chaple,
Grant
foguet relegat dins un comandament segondari onte demoret durant quauquei mes.
