La batalha dau Camin dei Damas o ofensiva Nivelle es una batalha de la Premiera Guerra Mondiala que se debanet sus lo front de l'Oest dau 16 d'abriu au 24 d'octobre de 1917 . Opauset 850 000 Frances comandants per lo generau Robert Nivelle a 683 000 omes dirigits per lo generau Erich Ludendorff . Mau organizada e preparada, entrainet de perdas importantas dins lei dos camps (187 000 tuats e blecats per Franca contra 163 000 per Alemanha ) e s'acabet per una victoria defensiva alemanda. Au sen de l'armada francesa, entrainet tanben una crisi de comandament marcada per plusors mutinarias .

Contexte e debanament [ modificar | Modificar lo codi ]

Apres sa nominacion coma cap de l' armada francesa en decembre de 1916 , lo generau Nivelle decidet d'abandonar lei plans de Joffre . En placa, chausiguet d'organizar una ofensiva decisiva dins la zona dau Camin dei Damas, un sector forca fortificat per leis Alemands . Una ataca britanica destinada a fixar lei reservas alemandas en Artes devia preparar aquela ofensiva.

Pasmens, tre sa preparacion, aquela ataca deguet faciar de problemas importants. D'efiech, inquiets de l'amplor de l'ofensiva, leis Alemands decideron d' abandonar una partida dei zonas menacadas per s'installar sus la Linha Hindenburg (16 de marc de 1917 ). Puei, l'assaut britanic en Artes obtenguet pauc de resultats (9 d'abriu) e, gracias a la captura de plusors presoniers e d'ordres de guerra, leis Alemands descurbigueron una partida importanta dau plan de Nivelle . Enfin, per complicar mai la situacion, lei condicions meteorologicas eran pas favorablas a una ofensiva.

Dins aquo, Nivelle refuset d'abandonar son idea e l'ataca comencet lo 16 d'abriu. En despiech d'una preparacion d' artilharia forca importanta e de quauquei gasanhs iniciaus dins un sector ben defendut, l'assaut obtenguet pauc de resultats. En revenge, 100 000 soudats frances fogueron perduts en una setmana. Tre lo 21, foguet necessari d'arrestar l'ataca. Una represa aguet luoc au comencament de mai. Pasmens, se turtet a una resistencia ben organizada. Lo 15 de mai, Robert Nivelle foguet remplacat per Philippe Petain . Pus uman que son predecessor, Petain reprimiguet lei mutinarias que se multipliqueron durant lo mes de junh amb un minimom de condamnacions a mort. Ordonet tanben l'abandon deis assauts generaus au profiech d'atacas localas ben preparadas e sostengudas per d'armaments modernes ( carris , canons modernes...).

Durant l'estiu, lei dos camps meneron de combats acarnats per obtenir lo contrarotle dei posicions autas dominant lo prat batalhier. Lei Frances prengueron pauc a pauc l'avantatge gracias a d'atacas repetidas a l'avanca. Lo 23 d'octobre de 1917 , aquo li permetet de prendre lo fort de la Malmaison a l'eissida d'una batalha que menet a la neutralizacion de 50 000 Alemands (tuats, blecats e presoniers). Pasmens, maugrat aqueu succes tardiu, lei perdas francesas demoreron pus importantas sus la totalitat de la batalha e lo front alemand foguet pas romput.

Consequencias [ modificar | Modificar lo codi ]

La batalha dau Camin dei Damas es un succes defensiu important per leis Alemands qu'arresteron una ofensiva forca importanta deis Aliats. Aquela revirada entrainet una crisi greva dins l'armada francesa. La mager part dei divisions francesas fogueron tocadas per lo fenomen mai leis Alemands pogueron pas l'esplechar. La repression limitada menada per Petain e lo resta deis autoritats militaras (43 execucions per 554 condamnacions a mort e 3 500 condamnacions au totau ^{[1] [2]} ), la reorganizacion deis atacas e un esforc per assegurar de permissions regularas favorizeron lo retorn de la disciplina. Fogueron tanban a l'origina de l'imatge de sauvaire estacat au manescau Petain en 1940 .

Una autra consequencia de la nominacion de Petain a la testa de l'armada francesa foguet l'acceleracion de sa modernizacion. D'efiech, en 1916 , durant la batalha de Verdun , Petain avia ben percebut l'interes dau motor sus lo prat batalhier. Ansin, sostenguet forca leis esforc frances per se dotar de camions , de carris e de canons pus mobils. Aquo aguet un rotle decisiu en 1918 per arrestar leis ofensivas alemandas e, finalament, permetre ais Aliats de rebutar leis Alemands vers l'est.

Annexas [ modificar | Modificar lo codi ]

Liames internes [ modificar | Modificar lo codi ]

• Guerra de trencadas .
• Mutinarias de 1917 .
• Premiera Guerra Mondiala .

Bibliografia [ modificar | Modificar lo codi ]

• (fr) Pierre Miquel, Chemin des Dames , Perrin, 1997.
• (fr) Rene-Gustave Nobecourt, Les Fantassins du Chemin des Dames , Robert Laffont, 1965.
• (fr) Henri Ortholan, La guerre des chars , Giovanangeli, 2007.
• (fr) G. Pedroncini, Les Mutineries de 1917 , P.U.F., 1967.
• (fr) G. Pedroncini, ≪ Les Refus collectifs d'obeissance en 1917 ≫, Revue historique des armees , 1967.

Notas e referencias [ modificar | Modificar lo codi ]

1. ↑ (fr) Guy Pedroncini, Les Mutineries de 1917 , 1967, pp. 194 e 211-212.
2. ↑ La liberacion dei mutins condamnats ai trabalhs forcats venguet un enjoc major de la politica de l'entre doas guerras car foguet adoptada coma objectiu per lo PCF tre 1920 (Bruno Fuligni, La France rouge. Un siecle d’histoire dans les archives du PCF , Les Arenes, 2011).