Australopithecus garhi
ei ua especia
fossil
d'
ominid
qu'apertenh ath grop des australopitecids gracils. Era sua edat ei d'aperaqui uns 2,6 milion d'annades.
Eth fossil, aperat BOU-VP-12/130, siguec descurbert en 1997 per Johannes Haile-Selassie, un membre dera equipa scientifica amiada peth paleontolog etiopian Berhane Asfaw. Aguest darrer publiguec era definicion e descripcion dera especia ja en 1999 en collaboracion damb eth paleontolog american Tim White (1).
Eth prumer descurbiment siguec het en eth vilatge de Bouri, ena val mieja der arriu Awash, ena depresion der Afar, en Etiopia.Eth nom dera especia
gahri
vo dider
estonada
o
suspresa
.
BOU-VP-12/130 ei ua amassada plan incompleta d'un uas cranian qu'includiva er us frontal, es uassi parietals e tanben era maishera e es dents. Australopithecus gahri a caracteristiques propies e tanben de d'autes australopitecids gracils coma
australopithecus afarensis
e
Australopithecus africanus
o es australopitecids robusti, sustot en eth niveu dera maishera. Er estudi des premolars e des molars confirma que son mes grani que non es d'autes formes gracils mes mens robusti que non es paranthropi.
Era capacitat craneana d'Australopithecus garhi, estimada en 450 cm (3) ei prep dera d'autes australopitecids.
D'autes fossils an sigut descurberts prep des troci de cran de BOU-VP-12/130 coma despulhes post-craneanes, un troc d'un dusau cran e dues maisheres, ua des quals ei relativaments sancera. Es scientifics pensen qu'era morfologia dera maishera confirme qu'ei ua navera especia mes qu'es pot pas escluder que quauques despulhes sejan d'ua auta especia.
Es scientifics que traparen Australopithecus garhi confirmeren qu'ei un representant deth linhatge uman (1). Coma diguec C. Grovers, que demorec pauc de temps abans dera aparicion des prumers representants deth genre Homo, qu¡apareishen 200.000 o 300.000 annades dempus, e es dents des quals son plan desparieres (2).
Es fossils d'Australopithecus garhi sigueren trapadi prep deth vilatge de Bouri, ena val mieja der arriu Awash, en Etiopia, en 1999.
Es utis de peira bracada bremben er Olduvaian e sigueren descurberts en locs vesins des fossils d'Australopithecus garhi mes que non i a pas ua associacion directa. Totun, es uassi de gazela trapats damb aguest ominid an vestigis interpretats coma despulhes de bracatge damb utis de peira (3). Aguestes despulhes serien ua prova directa d'una des mes ancianes utilizacions d'utis conegudes. Es utis en question serien plan mes ancians qu'aqueri atribuits a
Homo habilis
mes ei impossible de confirmar qu'Australopithecus garhi ei eth son autor.
1.- a et b Asfaw B., White T.D., Lovejoy C.O., Latimer B., Simpson S., and Suwa G. (1999): ≪ Australopithecus garhi: a new species of early hominid from Ethiopia ≫, Science, 284, pp. 629-35. (version html [archive] ou version pdf [archive]).
2.- Groves, C. (1999) ≪ Australopithecus garhi: a new-found link? ≫, Reports of the National Center for Science Education, May/June 1999, (disponible en ligne ici [archive] ou ici [archive]).
3.- Heinzelin, J. de, Clark, J.D., White, T.D., Hart, W., Renne, P., WoldeGabriel, G., Beyene, Y. et Vrba, E. (1999) - ≪ Environment and Behavior of 2.5-Million-Year-Old Bouri Hominids ≫, Science, vol. 284, n° 5414, pp. 625-629 (resume en anglais) [archive].
· Australopithecus garhi
[1]