Atahualpa ^[1] (vers 1500 - 26 de julhet de 1533 , Cajamarca ) es lo darrier emperaire de l' Emperi Inca de 1532 a 1533 . Prenguet lo poder a l'eissida de la guerra civila consecutiva a la mort de l'emperaire Huayna Capac ( 1492 - 1525 ). Sostengut per lei forcas armadas de la region de Quito , capitet de batre lei tropas de son frairastre Huascar . Aqueu conflicte, que s'acabet l'annada de l'arribada deis Espanhous en America dau Sud , afebliguet forca l'Emperi. Menats per Francisco Pizarro , lei conquistadors organizeron una ataca suspresa durant una entrevista diplomatica . Atahualpa foguet capturat e obligat d'ordonar lo pagament d'un important recapte per obtenir sa liberacion. Pasmens, Pizarro , crenhant sa revenge, preferiguet l'executar. Sa mort entrainet l'afondrament de l' Emperi Inca .

Liames internes [ modificar | Modificar lo codi ]

• Emperi Inca .
• Guerra de Succession Inca .

Bibliografia [ modificar | Modificar lo codi ]

• (en) John Hemming, The Conquest of the Incas , Harvest Press, 2003.

Notas e referencias [ modificar | Modificar lo codi ]

1. ↑ En certanei textes espanhous, es de cops possible de trobar lo nom Atabalipa que correspond a una prononciacion anciana. Dins lei textes en quichoa , se troban frequentament lei noms Atabalica e Atawallpa que correspondon a de noms transcrichs dins aquela lenga .