Istoria [ modificar | Modificar lo codi ]

1429-1434  : periode d'instabilitat dau poder en Etiopia amb quatre sobeirans qu'agueron de reines breus. Aquo duret fins au coronament de Kwestantinos I ^er .
1430  : dins lo sud de Grecia , conquista d'una partida importanta dau Principat d'Acaia per lei Bizantins dau Despotat de Morea .
1430  : dins lo nord de Grecia , conquista de Tessalonica per lei Turcs Otomans . Tota la populacion grega de la vila foguet desportada e remplacada per de Turcs.
1430  : en Mesoamerica , victoria de la Tripla Alianca ( Tenochtitlan , Texcoco e Tlacopan ) contra Azcapotzalco . En despiech de la disparicion de la menaca representada per lo vencut, l'alianca foguet mantenguda e venguet rapidament una poissanca majora de la region.
1438  : dins la region andina , desfacha greva de Viracocha Inca e de son armada en facia dei Chancas. Foguet obligat d'abandonar Cuzco e de se replegar dins lei montanhas onte dispareguet dins de circonstancias desconegudas. Son fiu Yupanqui ? lo futur Pachacutec ? capitet de reorganizar l'armada inca, de reconquistar Cuzco e de conquistar lo Reiaume Chanca apres lei batalhas de Jaquixahuana e de Yahuarpampa .
1439  : signatura d'un acordi permetent la reunion dei Gleisas d'Orient e d'Occident e l'organizacion d'una crosada novela dins lei Balcans . Pasmens, lo tractat se turtet a l'ostilitat de la populacion e dau clergat bizantin.

Cultura [ modificar | Modificar lo codi ]

1437  : acabament dau retaule de Sant Jorgi de Bernat Martorell . Au mens cinc paneus d'aquela obra son estats conservats. Son un exemple important de la pintura gotica internacionala , mai es tanben inspirat per lei primitius flamands .
1437  : acabament dau Triptic de Cortona , obra religiosa dau pintre italian Fra Angelico .

Sciencias e tecnicas [ modificar | Modificar lo codi ]

1436  : explicacion dei principis matematicas de la perspectiva aplicats a la pintura per lo sabent e filosof italian Leon Battista Alberti ( 1404 - 1472 ).
1437  : publicacion dau catalog d' estelas dich Zij-i Sultani realizat per la cola d'astronoms de l'observatori de Samarcanda dirigida per lo sabent e sultan Ulugh Beg ( 1394 - 1449 ). Aquelei taulas arriberon en Europa a la fin dau segle e i agueron un rotle dins la creacion dei premierei cartas astronomicas de la Renaissenca .

Deces [ modificar | Modificar lo codi ]

Liames internes [ modificar | Modificar lo codi ]

Bibliografia [ modificar | Modificar lo codi ]

Notas e referencias [ modificar | Modificar lo codi ]