Istoria [ modificar | Modificar lo codi ]

300  : adopcion de doas leis importantas per Roma . La Lex Ogulnia permetet ai plebeus d'accedir ai foncions religiosas de pontifes e d'augurs e la Lex Porcia permetet a cada ciutadan roman de far apeu d'una pena capitala .
299  : presa de Nequinum per lei Romans .

298-290  : Tresena Guerra Samnita entrainada per lei tensions entre Roma e sei vesins ( Samnitas , Etruscs , Celtas ...). Lei Romans s'impauseron a la batalha de Sentinum ( 295 avC ) e annexeron lo territori samnita.
297  : fin dau reine de Chandragupta Maurya (probablament en causa d'una abdicacion par acabar sa vida dins un ordre religios) que foguet remplacat per son fiu Bindusara (→ 272 ).
294  : en Pelopones , intervencion d' Esparta per empedir l'annexion de plusors ciutats dau nord de la peninsula per Macedonia . Pasmens, leis Espartencs fogueron batuts mai mantengueron son independencia car lei Macedonians degueron desplacar sei tropas vers lo nord.
287  : tresena secession de la pleba en causa de son exclusion dau partiment de terras conquistadas sus lei Sabins. Quintus Hortensius foguet alora elegit dictator per reglar la situacion. Adoptet la Lex Hortensia que demeniguet o annulet certanei deutes e donet lo drech a l'assemblada dei plebeus d'adoptar dei leis sensa l'acord dau Senat . Aquo donet mai de poder ai classas favorizadas de la pleba e permetet la formacion d'una aristocracia pus establa a partir d'aquelei classas e dau patriciat tradicionau de la vila .
281-272  : apres una avancada novela de Roma vers lo sud, de tensions opauseron la vila a la ciutat grega de Tarenta . Una guerra comencet e lei Grecs demanderon l'ajuda de Pirros d' Epira . Son intervencion permetet ai Grecs de ganhar plusors combats ( Ausculum ). Pasmens, se disperset entre plusors objectius e foguet finalament vencut a Beneventum ( 275 avC ). Se retiret alora d' Italia permetent ai Romans de conquistar Tarenta e la totalitat de la peninsula.
280  : reconstitucion de la Liga Aquea dins lo nord-oest de Pelopones . Ben dirigida, venguet pauc a pauc una poissanca regionala importanta en Grecia .

272  : mort de Bindusara . Mau conegut, son reine veguet l'extension de l' Emperi Maurya a la quasi totalitat dau mond indian. Foguet remplacat per Ashoka .
269  : aprofichant de tensios entre ciutats gregas, Cartage ocupet Messina (→ 264 avC ).

268-261  : en Grecia , una importanta coalicion de ciutats-estats ( Atenas , Esparta , Epira e seis aliats) se revoutet contra Macedonia . Pasmens, lei Macedonians arresteron totei leis atacas e capiteron finalament d'obtenir la capitulacion d' Atenas . Aquela darriera foguet desenant ocupada per una garnison e dirigit per un governador macedonian.

264-241  : ocupada per Cartage , Messina se revoutet e demandet l'ajuda de Roma per empedir lei Cartagines de reprimir lo movement. Aquo entrainet la Premiera Guerra Punica que s'acabet per una victoria romana malaisada e l'abandon de sei posicions sicilianas per Cartage . Comencet alora una crisi greva dins la vila punica que poguet pas pagar sei mercenaris. Roma aprofichet la situacion per ocupar Corsega e Sardenha (→ 219 avC ).
261  : conquista de Kalinga , un dei darriereis estats indians independents, per lei forcas d' Ashoka . Segon la tradicion, la violencia d'aquela guerra (entre 100 000 e 200 000) transformet lo rei que decidiguet desenant d'adoptar lei principis pacifics dau bodisme (→ 232 avC ).
241-238  : afeblida per sa desfacha contra Roma , Cartage deguet faciar una revouta de sei mercenaris . Marcat per d'atrocitats importantas, lo conflicte s'acabet amb una victoria cartaginesa que permetet au clan Barca de renforcar son poder.
232  : mort d' Ashoka que foguet remplacat per son fiu Dasharatha . Assaiant de perseguir la politica de son paire, aguet de dificultats per estabilizar son poder (→ 224 avC ).
224  : deces de Dasharatha . Durant son reine, l' Emperi Maurya s'afebliguet e plusors regions vengueron tornarmai independents. Una scission de l'Emperi entre dos sobeirans Maurya es tanben possibla. Foguet remplacat per son cosin Samprati (→ 215 avC ).
221  : en China , conquista dau reiaume de Qi per lei forcas de Qin Shi Huang . Aquo marquet la fin dau Periode dei Reiaumes Combatents e la premiera unificacion politica de China sota l'autoritat d'un sobeiran unic. Lo poder noveu adoptet rapidament una tiera de leis per unificar lo pais.
220  : comencament de trabalhs de fortificacion long de la frontiera septentrionala de China . Son a l'origina de la Granda Muralha de China .

219-201  : apres la destruccion de Sagonta , ciutat aliada de Roma , per Cartage , una segonda guerra opauset Romans e Cartagines . Dins la premiera partida dau conflicte, l'armada dau generau Annibal Barca infligiguet plusors desfachas saunosas ai Romans. Pasmens, mau capitet de trobar d'aliats en Italia per assetjar Roma . Au contrari, lei Romans reagigueron e destrugueron Siracusa en 213 avC ). Puei, ocuperon la mager part d' Espanha avans de se dirigir vers Africa onte l'armada cartaginesa foguet definitivament batuda. Apres aquela victoria, Cartage perdiguet tot son domeni ispanic (annexat per Roma ), perdiguet lo drech de menar una diplomacia independenta de Roma e deguet pagar una indemnitat forca importanta a sei venceires. De son caire, Roma venguet la premiera poissanca de la Mediterranea Occidentala .
215  : deces de l'emperaire maurya Samprati que foguet remplacat per Shalishuka (→ 202 avC ).

210-206  : mort de Qin Shi Huang . Apres un periode de trebols internes, sa dinastia foguet reversada e una guerra civila comencet per sa succession. S'acabet per la presa dau poder per lei Han qu'estabilizeron l'Emperi.
202  : mort de l'emperaire maurya Shalishuka que foguet remplacat per Devavarman .

Deces [ modificar | Modificar lo codi ]

Liames internes [ modificar | Modificar lo codi ]

• Guerras Punicas .
• Qin Shi Huang .

Bibliografia [ modificar | Modificar lo codi ]

Notas e referencias [ modificar | Modificar lo codi ]