1900 ?: abandon de la poligamia per lei mormons.
1901 ?: independencia oficiala d' Australia (1 ^er de genier). Pasmens, dins lei fachs, la politica de l'illa demoret forca influenciada per aquela dau Reiaume Unit fins a la Segonda Guerra Mondiala . Dins aquo, aquo permetet l'adopcion de diversei leis progressistas coma l'extension dau drech de vote e de candidatura ais eleccions ais fremas (blancas solament). Aquela decision s'apliquet sus tot lo territori franc de l'illa de Tasmania ont intret pas en vigor avans 1903 .
1902 ?: en Martinica , destruccion totala de la vila de [Saint-Pierre (Martinica)|Saint-Pierre]] per una erupcion de la Montanha Pelada (29?000 morts).
1902 ?: tractat d'amistat entre Japon e lo Reiaume Unit .
1902 ?: fondacion de la vila de Dire Dawa per la companhia en carga de la bastida dau camin de ferre entre Jiboti e Addis Abeba . L'endrech foguet chausit per venir un centre logistic important (obrador de reparacion dei trens ... etc.) e es d'ara endavant la segonda vila etiopiana.
1902 ?: presa de Riyad per Abdalaziz ibn Saud .
1902 ?: independencia oficiala de Cuba apres quatre ans d'ocupacion militara estatsunidenca . Dins lei fachs, l'illa demoret sota l'influencia de Washington .
1903 ?: destruccion definitiva dau Califat de Sokoto per lei Britanics . Lo califa Muhammadu Attahiru I ^er foguet tuat a la batalha de Burmi . En revenge, lei sultans qu'accepteron lo protectorat britanic garderon son poder.
1904 ?: campanha de conquista d' Ogaden per Etiopia .
1904 ?: per contentar lo partit dei captaus mexicans ? sosten important dau regime ? Porfirio Diaz acceptet de prolongar de doas annadas suplementarias lo mandat de cada governador de provincia. Pasmens, apres aquela crisi interna, la situacion interiora s'agravet e lo partit dei tecnocratas centralistas dichs cientificos abandonet lentament lo regime.

1904-1905 ?: dins lo Sud Oest African , revouta indigena menada per lo cap herero Samuel Maharero . Causada per la sasida dei terras agricolas d'aqueu poble, entrainet d'atacas violentas contra lei posicions alemandas. La reaccion de Berlin foguet forca violenta e entrainet la quasi exterminacion dau poble herero. Aqueu chaple es uei considerat coma lo premier genocidi moderne.

1906 ?: terratrem de San Francisco (aperaqui 3?000 morts). D'una magnitud de 7, entrainet de degalhs importants dins la vila.

1906 ?: illustrant la corsa ais armaments en Europa , intrada en servici dins la marina britanica dau cuirassat HMS Dreadnought . Conjugant una poissanca de fuoc importanta, un blindatge espes e una velocitat auta, revolucionet l'armament navau e venguet la norma fins a la Segonda Guerra Mondiala .
1906-1907 ?: dins la Peninsula Arabia , combats importants entre lei Ibn Saud e una coalicion, sostenguda per leis Otomans, de plusors clans.
1907 ?: independencia de Nova Zelanda . Pasmens, lo pais demoret sota l'influencia directa de Londres fins a la Segonda Guerra Mondiala .

1907 ?: signatura de la Convencion Anglorussa de 1907 . Organizet lo partiment dau Persia entre zonas d'influencia russa, britanica e neutra.
1907 ?: en Etiopia , apres una ataca d' apoplexia dau negus Menelik II l'annada precedenta, creacion d'un govern sus lo model europeu amb la creacion d'un gabinet dei ministres.
1907 ?: en Jamaica , terratrem dins la capitala Kingston que causet mai de 1?000 morts (14 de genier).
1907 ?: establiment d'un protectorat japones sus la peninsula de Corea .

1908 ?: terratrem dins la region de Messina (28 de decembre) qu'entrainet la destruccion de la vila en causa d'un tsunami . Aperaqui 80?000 abitants fogueron tuats e lo govern italian penset un temps cubrir la vila de cauc per defugir d'epidemias e l'abandonar.

1908 ?: violenta explosion (10-15 Mt) en Siberia Centrala que destruguet 2?000 km² de seuva . L'origina de l'eveniment es pas totalament segura mai sembla d'esser liada a l'explosion d'un asteroide o d'una cometa dins lei jac inferiors de l' atmosfera . En causa dei dificultats per agantar la region, ges d'expedicion poguet i arribar avans 1927 .
  1909 ?: terratrem de Lambesc (46 morts).
1909 ?: premiera greva generala de l'administracion francesa.
1909 ?: fondacion de la vila de Tel Aviv .

1904 ?: dins una discussion amb Emile Bernard ( 1868 - 1941 , Pau Cesana ( 1839 - 1906 ) expauset sei reflexions sus un tractament geometric de la natura utilizant lo cilindre o l' esfera . De mai, evolucion importanta qu'anava esser a l'origina dau cubisme , cada plan o ponch d'un objecte devia se dirigir vers un ponch centrau.

1905 ?: acabament dei trabalhs decidits per lo chah Nasser al-Din Shah Qajar ( 1848 - 1896 ) dins lo Sanctuari d'Al-Askari (o Mosqueta d'Aur). Doneron sa forma actuala au bastiment ambe la construccion dau dome d' aur e de l'encencha blava .

1900 ?: assai dau premier prototipe de fusiu mitralhaire per l'armada italiana . Pasmens, l'arma avia mai d'un problema de concepcion e foguet pas adoptada per leis Italians. Lei Britanics l'assaieron tanben e arriberon a la meteissa conclusion.
1900 ?: eeclipsi totau de Soleu , visible en un arc de vision que s'estendia dempuei Porto , Portugau , fins a Elx , provincia d' Alacant , Espanha .
1900 ?: invencion de la premiera turbina d'estanci de pression per l' engenhaire Auguste Rateau ( 1863 - 1930 ). A respect deis autrei models de turbinas existents, permetet d'utilizar de velocitats de rotacion feblas amb de rendements importants.

1900 ?: premiera formulacion de la teoria quantica desvolopada per Max Planck ( 1858 - 1947 ). Aquo permetet d'explicar lo problema dau raionament dau cors negre e marquet una rompedura majora de l'istoria de la fisica car entrainet l'abandon de la fisica classica per lei questions regardant la descripcion dei fenomens microscopics. Permetet tanben lo desvolopament de plusors teorias quanticas au sen de diversei camps de la fisica o de la quimia .
1900 ?: descuberta dei quatre grops sanguins per lo metge austrian Karl Landsteiner ( 1868 - 1943 ). Fogueron dichs A, B, AB e O en 1910 . Aquo permetet de desvolopar tornarmai la tecnica dei transfusions sanguinas umanas.
1900 ?: concepcion dau premier forn d'arc electric vertadier (→ 1879 ) per lo Frances Paul Heroult ( 1863 - 1914 ). Permetent d'obtenir de temperaturas autas, aquela invencion foguet pauc a pauc utilizat per estudiar lei possibilitats de desvolopar una siderurgia electrica. Pasmens, aquo demoret longtemps una idea en causa dau cost important de l' electricitat . En revenge, permetet d'estudiar la produccion d' aliatges d' aciers especiaus.
1900 ?: comencament dei trabalhs de Victor Grignard ( 1871 - 1935 ) sus leis organometallics , especialament aquelei de magnesi . Utilizats dins mai d'un sintesi o d'un proces de catalisi , aquelei compausats anavan permetre un desvolopament important dei sintesis organics durant lo segle XX. L'autor de sa descuberta foguet guierdonat dau Premi Nobel de Quimia en 1912 e leis organomagnesians son uei dichs reactius de Grignard .
1900 ?: descuberta dau darrier gas rare (lo radon ) per l' Alemand Ernst Dorn ( 1848 - 1916 ).
1901 ?: invencion de la premier maquina permetent de realizar un electrocardiograma dins lei condicions d'un espitau per lo metge olandes Willem Einthoven ( 1860 - 1927 ).
1902 ?: assai dau premier dirigible militar , destinat a la reconoissenca dau prat batalhier, desvolopat per l' engenhaire frances Henri Julliot . Pasmens, en causa dau desvolopament de l'aviacion, pus eficaca e rapida, aqueu concepte foguet pauc a pauc abandonat.
1902 ?: intrada en servici dau premier fusiu mitralhaire operacionau desvolopat per l' oficier danes Vilhelm Herman Oluf Madsen ( 1844 - 1917 ). Inspiret una tiera d'armas que fogueron utilizadas fins ais annadas 1950 e la generalizacion dei mitralhieras leugieras.
1902 ?: comercializacion dau premier motor multisopapa desvolopat per la companhia francesa Panhard & Levassor .
1902 ?: premiera publicacion permetent d'explicar l'existencia de la radioactivitat per lo fisician britanic Frederick Soddy ( 1877 - 1956 ). Mencionet per lo premier cop l'existencia de desintegracions radioactivas. Soddy recebet lo Premi Nobel de Quimia en 1921 .

1902 ?: apres l'erupcion catastrofica de la Montanha Pelada qu'entrainet la destruccion totala de la vila martiniquesa de Saint-Pierre, leis autoritats de diversei pais prengueron consciencia de la manca de conoissenca a prepaus deis erupcions volcanicas . Aquo marquet donc lo comencament de l'estudi scientific dei volcans e la volcanologia , branca alora forca menora de la geologia , venguet una sciencia vertadiera.
1902 ?: premiera explicacion moderna dau foncionament dau cancer . Basada sus lei derivas dei mecanismes de division cellularia, foguet l'obra dau zoologista alemand Theodor Boveri ( 1862 - 1915 ). Son ipotesi foguet demostrada en 1915 per lo biologista estatsunidenc Thomas Hunt Morgan ( 1866 - 1945 ).
1902 ?: acabament de la concepcion dau proces Ostwald per l' Alemand Wilhelm Ostwald ( 1853 - 1932 ). Basat sus una tiera de reaccions permetent de transformar l' amoniac en acid nitric , permetet de provesir d'importantei quantitats de materia premiera ais industrias productritz d'engrais azotats e d' explosius (→ 1899 e 1913 ).
1903 ?: invencion de la premiera turbina d'explosion per Armengaud.
1904 ?: desvolopament dau premier fusiu semi-automatic (lo Mondragon M1908 mexican ) que foguet largament adoptat e inspiret diverseis armas de concepcion similara fins a la generalizacion dei fusius d'assaut .
1905 ?: invencion dau turboalternator per l' engenhaire sois Charles Carroll Brown ( 1859 - 1946 ) que capitet de coplar una turbina amb un alternator . Aquo permetet de trobar dei fonts d'energia capablas de produrre de poissancas largament superioras ai turbinas de vapor existentas e favorizet l'electrificacion de l'industria.

1905 ?: a partir de la teoria quantica publicada en 1900 , Albert Einstein demostret lei naturas ondulatoria e corpuscularia de la lutz . Expliquet tanben lo desplacament de la lutz per quantitats definidas que fogueron dichs fotons . Enfin, establiguet l'invariancia de la velocitat de propagacion deis ondas electromagneticas.
1905 ?: publicacion d'una teoria per Daniel Moreau Barringer explicant l'origina dau Meteor Crater per l'impacte d'una meteorita .
1906 ?: descuberta dau tresen principi de la termodinamica per Walther Hermann Nernst ( 1864 - 1941 ).
1906 ?: en matematicas , premiera formulacion dau concepte d' espaci metric dins la tesi dau matematician frances Rene Maurice Frechet ( 1878 - 1973 ). L'idea venguet pauc a pauc una nocion centrala en analisi matematica ^[1]
1907 ?: descuberta dau premier asteroide troian de Jupiter , lo futur (588) Achilles . Apres doas descubertas similaras en 1906 e 1907 , l'existencia dei troians foguet oficializada per la comunautat scientifica.
1907 ?: comercializacion dau premier sistema de fotografia color d'usatge relativament simple?: l' Autochrome dei fraires Lumiere . Era una tecnica de fotografia sus placa de veire que necessitava totjorn de temps de pausa longs ? problema recurrent dei tecnicas de fotografia color dempuei son aparicion en 1861 ? e un tractament complex. De mai, la sensibilitat era limitada e per generalizar l'usatge de la fotografia color, sera necessari d'esperar l'aparicion dei premiers films color dins lo corrent deis ans 1930 (→ 1935 ).
1908 ?: invencion dau premier film fotografic transparent e segur (es a dire sensa nitrocellulosa ) per la companhia estatsunidenca Kodak . Leugiers e practics, lei films fotografics domineron la fotografia fins a la generalizacion de la fotografia numerica au comencament dau segle XXI.
1908 ?: premiera liquefaccion d' eli per lo fisician olandes Heike Kamerlingh Onnes ( 1853 - 1926 ).
1908 ?: premiera sintesi d'una materia plastica transparenta dicha cellofana per lo quimista sois Jacques Edwin Brandenberger ( 1872 - 1954 ).
1908 ?: desvolopament d'un proces de sintesi d' amoniac per quimista alemand Fritz Haber ( 1868 - 1934 ). Son metode foguet industrializat tre 1909 per BASF .
1909 ?: depaus de brevet depintant la concepcion dau premier silencios desvolopat per Hiram Percy Maxim ( 1869 - 1936 ).

1909 ?: debanament de l' experiencia de Rutherford (realizada per Hans Geiger e Ernest Marsden ). Aguet un rotle decisiu dins lo desvolopament dau model de l' atom moderne car permetet d'establir l'existencia dau nucleu atomic.

1909 ?: introduccion de la nocion de pH per descriure l' aciditat per Soren Sorensen ( 1868 - 1939 ).
1909 ?: premiera sintesi de la baquelita per lo quimista estatsunidenc Leo Baekeland ( 1863 - 1944 ).

• Mecanica quantica .
• Relativitat especiala .

1. ↑ (en) C. C. Heyde e E. Seneta, Statisticians of the Centuries , Springer, 2001, p. 331.