Le Vier Chate ( le Vier Chate ; en Francais : le chateau Mont Orgueil ) est un chate a Saint Martin en Jerri .

L'chate fut bati au c'menchment du treizieme siecl'ye pouor protegi Jerri d'attaques de la cote Nouormande du Cotentin .

Le nom Francais de Mont Orgueil li fut donne au 15 ^e  siecl'ye , viyant qu'i' 'tait si ordgilleux sus san mont - ou qu'i 'tait l'ordgi de Jerri.

Ouaithe que l'Chate fusse erbati, amende et renforchi duthant l's annees, i'n'tait pon possibl'ye de defendre le Chate contre les canons. La nouvelle technologie du seizieme siecl'ye l'avait rendu innutile.

La decision fut prinse de bati un nouvieau chate dans la Baie d'la Ville sus l'Islet , ou'est qu'la vielle Abbaye de Saint Helyi s'trouvait. Nou vait l' Chate Lizabe la achteu.

Nou-s'avait l'plian de detruithe le Vier Chate pouor faithe servi les pierres dans la batithie du nouvieau chate, mais l'Gouverneux, Walter Ralegh , dit qu'i' s'sait un pitchi d'le pitchi bas, viyant que ch'tait eune mangnifique vielle forteresse. Ch'est li don tchi sauvit le vier batisse que j'viyons a Gouorray achteu.

Ch'tait eune vielle tradition pouor les gens d'aller au Chate a la Saint George (le 23 d'Avri ) pouor visiter la chapelle de St. George tch'est dans l'Chate. Ch'tait le seul jour quand tchi qu'les gens pouvaient visiter l'Chate - et ch'tait eune fete hardi populaithe. Des masses de gens v'naient de toutes les carres pouor celebrer la journee. Pus tard la fete fut transfethee au Lundi d' Paques - mais chutte couoteunme mouothit au mitan du 19 ^e  siecl'ye .

Duthant les Dgerres Revolutionnaithes Francaises, l'Amitha Ph'lippe d'Auvergne faisait servi l'Chate coumme centre pouor ses activites d'service segret.

En 1846 , la Reine Victoria et l'Prince Albert visititent le Chate.

En 1907 , le gouvernement Britannique donnit le Chate es Etats d'Jerri coumme monument historique. Apres sept chents ans, il avait perdu toute sa singnification militaithe - ou ch'est qu'les gens criyaient, mais l's Allemands n'taient pon du meme avis. Duthant l' Otchupation , i' contruisitent des bunkers dans l'Chate qu'nou peut acouo vaie aniet.

Quand l'Rouai George V visitit l'Chate en 1921 , i' fut salue en Jerriais , et i' y'avait etout eune banniethe tchi liesait: Dex Ayde a nostre Roy .

Achteu l'inmage du Vier Chate appathait dans d's annonces pouor les vacanches en Jerri, sus des cartes postales, des dotchuments, la publyicite... S'lon bein des gens, ch'est l'symbole de l'Ile.

Y a co' de quei a vei' ou a oui' entou'
Le Vier Chate
sus les Coumuns a Viquipedie