Ch't' articl'ye fut c'menchie en
Jerriais
|
Le
lion
(en
Latin
:
Panthera leo
) est un
mammifethe
mangeux d'viande
d'la fanmil'ye des
f'lins
. Ch'est le deuxieme pus grand des f'lins - ch'est l'
tigre
tch'est pus grand.
Dans les touos viers temps, les lions soulaient d'meuther en
Urope
, en
Asie
et en
Afrique
, mais d'pis le
deuxieme siecl'ye
aupres l'Christ il' ont dispathu d'l'Urope et i' n'y'en a d'aut' hardi en Asie nitout, sel'ment dans l'Nord-Vouet d'l'
Inde
. I' d'meuthent acouo dans des grandes parties d'l'Afrique mais i' sont m'nichis la etout.
Les lions sont pustot couleu d'sablion, mais y'en a tchi sont bliancs mais ch'est d'tchi rare. Les males de lion ont eune cringne tchi peut et' nethatre - les lionnes n'ont pon d'cringne. Les lions d'meuthent de couoteunme dans un troupe: un lion, ou un lion et ses frethes, et des lionnes et lus p'tits lions. Y'a des lions a lus touos seurs etout tch'ont a attriotchi des lionnes pouor faithe un troupe.
Les lions passent eune grande partie d'la
journee
a lus spalmer - i' sont piessants mais i' n'couothent pon bein quedaine, et chassent pustot les vielles betes ou les malades. En troupieaux, il' entouothent un troupe d'betes (
chers Afritchains
,
zebres
,
couochons Afritchains
,
buffl'yes
) et gaffent des cheins tchi sont pannitchis dans la goule des lions a l'entou.
Le lion est l'
rouai
des betes et a 'te fait servi coumme s?mbole de
rouoyaumes
depis les viers temps. Ch'est un s?mbole de protection en
Chinne
ouaithe qu'les lions n'aient janmais d'meuthe la d'pis l'arrivee des gens la.
- fort coumme un lion
- marri coumme un lion