Helyi ( Helyi ; en Latin : Helerius ) est un saint tch'est venethe sustout en Jerri iou qu'il apportit la Chretchiennete au 6 ^e  siecl'ye . La Paraisse de Saint Helyi print san nom du saint.

S'lon la legende, Helyi fut ne a Tongres , tch'est achteu en Belgique . I' viagit au Cotentin , ou'est qu'il entrit dans l' monastethe de Saint Marcou a Nanteuil, tch'est achteu Saint-Marcouf-des-Iles. Marcou avait r'chu des pliaintes des Jerriais tchi 'taient m'nichis par des pithates tch'attatchaient redguliethement l'Ile. Marcou don envyit Helyi et un assistant tch'avait nom Romard en Jerri. Helyi s'installit sus un rotchi dans la Baie d'la Ville (ch'est l'Rotchi d'l' Hermitage ) et Romard passait des m'sages entre l'saint et les petcheurs tchi d'meuthaient dans l'village dans les mielles (ch'es'sait la Ville de Saint Helyi a v'nin). De san liet dans l'rotchi, Helyi pouvait vaie les vailes des pithates sus l'horizon et singnaler es gens a seule fin qu'i' pussent aller lus muchi - v'la pouortchi qu'nou-s'appelle des nouages sus l'horizon les vailes de Saint Helyi .

Aupres 13 annees de priethe et d'jeun, Helyi 'tait si afouaiblyi qu'i' n'pouvait d'aut' se muchi. Les pithates le happitent et copitent sa tete horte atout eune hache. Par un mithacl'ye , a chein qu'nou dit dans la legende, Helyi ramassit sa tete et marchit deux-trais pas auve. Bein effrites, les pithates happitent la pathe.

Le corps de Helyi fut trouve sus l'sablion par Romard tchi l'apportit dans la Grand' Terre. Le corps vint a terre a Breville-sus-Me - eune fontaine dgethisseuse coule de iou qu'le corps du saint fut pliaichi et l' eglyise a eune stchulputhe en bouais du saint du Mouoyen Age .

Les r'liques du saint futent preservees dans l' Abbaye d' Bieaube-la-Rosiethe jusqu'a la Revolution francaise quand l'monastethe fut eglianme.

Chaque annee, le martythe du saint patron est mertchi en Jerri par un pelerinnage a l'Hermitage.