Manchetre (en Angliais Manchester ) est eune grande cite en Anglieterre .

Histouaithe [ amendaer | modifier le wikicode ]

Les Romains fonditent un fort sus la route militaithe entre Everoui et Les Catchieaux tch'avait nom Mamucium (nou dit etout Mancunium ). La ville fortifiee des Saxons s'trouvit un mio pus au Nord vers la cathedrale d'achteu.

L'industrie vint a Manchetre en 1375 quand des taileurs d' Fliandres futent installes la par l'Rouai Douard III. La laine et l' lin 'taient grees a Manchetre epis pouor le 17 ^e  siecl'ye nou-s'importait du coton . L'industrie du coton s'ecaloppit au 18 ^e  siecl'ye coumme la machinn'nie amendit la tail'lie et y'avait hardi d' tcherbon d'amain. Le clyinmat pus a co mucre de Manchetre y'aidgait hardi etout pouor le mannyiment du coton. En 1783 la preunmie mannifactuthe a pouver d'sueu fut ouverte a Manchetre.

Un c'min d'fe fut ouvert en 1830 . Un drannet d'cannieaux fut defoui a seule fin d'haler les matethiaux et les produits. Le canne a navithes ouvert en 1894 fit les cauchies d'la ville navigabl'ye d'la me .

La raide craissance d'la ville attriotchit un tas d'ouvriers. Les conditions de louogement 'taient minsethabl'yes. Jusqu'en 1832 Manchetre, ouaithe qu'eune grande ville, n'tait pon r'presente dans l' parlement du Rouoyaume Unni . Un protet en 1819 fut cachi par des troupeurs a sabres tchi machacritent 11 personnes - chu Machacre de Peterloo emoutchit des r'formes econonmiques et politiques libethales.

En 1853 la ville d'vint eune cite . La ville 'tait hardi prospethe pouor la fin du 19 ^e  siecl'ye . En 1913 les 65% d'la production mondiale du coton fut tailee a Manchetre, mais la Preunmie Dgerre Mondiale et la minsethe econonmique entre les dgerres avronitent l'industrie et Manchetre quemenchit d'perdre en affaithes. La bombardethie duthant la S'gonde Dgerre Mondiale passecrivit le mitan historique d'la ville. A c'menchi d's annees 1960s l'industrie 'tait a s'ertrechi: en 1963 les cauchies d'Manchetre 'taient les traisiemes pus importantes du Rouoyaume Unni - i' futent freunmees en 1982 . La cont'neurisation avait rempliaichi le transport d'cartchaison.

Avau l's annees la ville a incorpouothe des villes et villages du vaithinne, mais la ville de Salford tch'est bordant par l'Vouet est s'pathee. Tout coumme nou-s'appelle bein souvent tout l'breha d'meunicipalites accompotees l'Grand Manchetre.

Le 15 de Juin 1996 des terreuristes republyitchains Irlandais fitent soufflier eune grande bombe au mitan d'la ville v'la tchi passecrivit un tas d'batisses. Le mitan d'la ville a 'te r'gree.

Tchultuthe [ amendaer | modifier le wikicode ]

En eprouvant d'ravigoter l'economie d'la ville, la meunicipalite lanchit deux fais eune campangne pouor atchilyi les Gammes Ol?mpiques ( 1996 et 2000 ) et atchilyit les Gammes du Commonwealth en 2002 . Deux des etchipes de football les pus populaithes en Anglieterre, Manchester United et Manchester City , sont d'Manchetre - Manchester United est s'posement l'etchipe le pus populaithe du monde.

Y a co' de quei a vei' ou a oui' entou'
Manchetre
sus les Coumuns a Viquipedie