Eune cite est ofuche eune grande ville , sustout eune capitale d'un pays ou d'eune region , ou eune ville tch'a 'te appouaintee au preunmie rang, par exempl'ye, atout eune charte rouoyale.

Rouoyaume Unni [ amendaer | modifier le wikicode ]

Au Rouoyaume Unni y'a des villes tch'ont 'te des cites d'pis les touos viers temps. L's aut's cites ont r'chu des chartes avau les siecl'yes. Y'en a tchi craient qu'eune cite au Rouoyaume Unni dait aver eune cathedrale , mais nou-fait, car y'a tchiques cites tchi n'ont pon d'cathedrale, et des villes tch'ont eune cathedrale. Y'a au jour d'aniet 66 cites officiellement r'connues au Rouoyaume Unni, mais nou-s'appelle autcheune grande ville de couoteunme eune cite.

Le monarque peut nommer des nouvelles cites a seule fin d'mertchi des dates speciales. Les dreines cites futent appouaintees en 1969 ( Souanse ; pouor l'assermentation du Prince de Galles ), 1977 ( Derby ; pouor le Jubile d'la Reine), 1992 ( Sunderland ; pouor le quarantchieme du regne), 1994 ( Saint Davi , Armagh ), 2000 ( Brighton & Hove, Wolverhampton , Inverness ; pouor le Millenaithe ), 2002 ( Preston , Newport , Stirling , Lisburn , Newry ; pouor le Jubile d'la Reine).

Irlande [ amendaer | modifier le wikicode ]

Dans la Republyique d'Irlande y'a 6 cites tchi futent appouaintees souos l'Rouoyaume d' Irlande d'vant l'unnion auve la Grande Bretangne . La Republyique n'a pon d'mouoyen d'appouainter d'nouvelles cites.

Etats Unnis d'Amethique [ amendaer | modifier le wikicode ]

Dans la majorite d's etats es Etats Unnis d'Amethique , la diffethence entre eune cite et eune ville est qu'eune cite a un maire .

Suede [ amendaer | modifier le wikicode ]

Jusqu'en 1971 , la Suede avait 134 cites ( stad ) appouaintees par eune charte rouoyale. En 1971 les cites et les villes futent rempliaichies par des c'meunes.