Bretton Woods-systemet var eit sett med reglar og institusjonar som vart initiert under ein konferanse i Bretton Woods i USA i juli 1944 . Bretton Woods-systemet etablerte reglar for kommersielt og finansielt samvirke mellom dei leiande industrilanda i verda og er det første dømet pa ein framforhandla avtale som dekkjer finans- og valutatilhøve mellom ei rekkje uavhengige nasjonar.

Totalt 730 delegatar fra dei 44 allierte nasjonane kom saman i juli 1944 til United Nations Monetary and Financial Conference , med den hensikten a skape eit grunnlag for stabilitet i finans- og pengepolitikken nar den andre verdskrigen ei gong ville vere over. Etter tre vekers forhandlingar vart ≪Bretton Woods-avtalane≫ underteikna mot slutten av juli 1944.

Ved etableringa av eit system med reglar, institusjonar og prosedyrar for a regulere det internasjonale finanssystemet, stifta planleggarane ved Bretton Woods Den internasjonale banken for gjenoppbygging og utvikling (IBRD) (no ein del av Verdsbanken ) og Det internasjonale pengefondet (IMF). ^[1] Desse institusjonane starta verksemda si aret etter, i 1945, etter at nok land hadde ratifisert avtalene.

Den viktigaste effekten ved Bretton Woods-systemet var ei forplikting for kvart av dei deltakande landa til a føre ein pengepolitikk som opprettheldt ein fast vekslingskurs (±1%) for sin valuta i tilhøve til gull , og dessutan IMFs evne til a tre støttande til ved mellombels avvik i betalingsbalansane landa imellom. Systemet kom under aukande press mot slutten av 1960-talet og kollapsa i 1971 da USA suspenderte den faste vekslingskursen mellom dollar og gull.

Referansar [ endre | endre wikiteksten ]

Litteratur [ endre | endre wikiteksten ]

• Begg, David eit. al. (2005). Economics, 8th Edition . Maidenhead: McGraw-Hill Education. s. 591?592. ISBN   0-07-7107756 .  
• Kenwood A.G., Lougheed A.L. (2006). The Growth of the International Economy 1820-2000 . New York: Routledge. s. 237-246. ISBN   0-415-19930-1 .  

Bakgrunnsstoff [ endre | endre wikiteksten ]

• Bretton Woods System, av professor Benjamin Cohen, University of California, Santa Barbara (engelsk)
• The Gold Battles Within the Cold War (PDF) Arkivert 2009-03-20 ved Wayback Machine . av Francis J. Gavin (2002) (engelsk)
• BBC om Bretton Woods konferansen (engelsk)