Mark Zuckerberg

Mark Elliot Zuckerberg (tumbu ( 1984-05-14 ) 14 Mei 1984) no samosa niha bisnis ^[1] moroi ba Amerika , sanura program komputer , samokai boro wogalenia/wangaluinia ba internet , ba somasi-masi mame'e tolo-tolo (li Indonesia filantropis ^[2]). Fao ia ba wamasindro mbolo gu'o Facebook awo perusahaan ya?ania sotoi Meta Platforms (mefona Facebook, Inc.), heza tobali ia executive chairman , ^[3] chief executive officer , ^[4] ba controlling shareholder . ^[5]^[6]^[7]

Moi sekola Zuckerberg ba Harvard University , heza iborotaigo Facebook me Februari 2004 faoma awonia ba nomo kos Eduardo Saverin, Andrew McCollum, Dustin Moskovitz, ba Chris Hughes. Ba mborota ha te'oguna'o Facebook ba mato ha'uga kampus , bahiza i'anema'o muzawili ia tenga ha sa'ae bakha ba kampus irege me 2012 so sara triliun zangoguna'o ya'ia. Ibali'o publik ^[8] perusahaan andre Zuckerberg me Mei 2012 ba i'okhogo zabolo oya share . ^[9] Me 2007, me 23 fakhe ia, tobali ia niha fondrege awuyu si so okhota triliun moroi ba wangaluinia samosa. No i'oniago osa gokhotania ba wame'e tolo-tolo ba ngawalo halo?o nifotoi filantropis, ^[2] fao ba da'o lembaga nifasindronia awo ndrongania ya'ia Chan Zuckerberg Initiative.

No irai ifa'oli Zuckerberg majalah Time tobali samosa ba gotalua 100 niha fondrege mofa'abolo ba gulidano ofa kali ba 2008, 2011, 2016 ba 2019 ba finalis (eluahania so doinia ba gotalua ya'ira nifili) ba 2009, 2012, 2014, 2015, 2017, 2018, 2020, 2021 ba 2022. Ituyu ia majalah Time tobali Person of the Year me 2010, ndrofi me irugi so tora matonga triliun zangoguna Facebook . ^[10]^[11]^[12] Ba Desember 2016, so Zuckerberg ba mbosi si dafulu niha fondrege mofa'abolo ba gulidano nifa'ano majalah Forbes . ^[13] Ba gangolita 400 niha fondrege oya gokhota ba Amerika ba 2022, so Zuckerberg ba mbosi nomoro 11 faoma okhota $57,7 triliun ba harato sindruhu khonia (li Inggris net worth ) $134,5 triliun. Molo'o sambua wangerai harato sindruhu khonia me September 2023 $111 triliun (molo'o Forbes ), ba boro da'o tobali ia niha fondrege oya gokhota nomoro 9 ba gulidano. ^[14] So sambua filem sanutuno mborota karir ^[15] Zuckerberg, fa'afokho nitoronia si fakhai ba huku ba fa'amowua halo?o (li Indonesia sukses ) si fofona sibai khonia. Toi filem andro The Social Network , te'oroma'o ba zato me 2010 ba no isondra filem andre mato ha'uga mbuala nifotoi Academy Awards .

Fa'atohare ba fa'alio Zuckerberg manoi miya?a ba industri teknologi no tobali boro wamareso moroi ba politik ba huku . No oya latoro wolohi ba huku ira Facebook ba samasindro ya'ia sanandrosa ba haniha zangokhogo mbolo gu'o Facebook awo isu ^[16] sifakhai ba privasi ^[17] zangoguna. Me 2013, fao ia ba wamasindro FWD.us, sambua angowuloa same'e ena'o aolo dodo niha ba niha moroi ba negara bo'o somasi moi mohalo?o ba Amerika Serikat (li Indonesia pro-imigrasi ).

Me 10 ba 11 April 2018, tekaoni Zuckerberg fona sambua komite parlemen Amerika Serikat ba wanemali sanandrosa ba skandal ^[18] Cambridge Analytica, ya'ia me te'oguna'o data zangoguna Facebook ba wame'e ena'o lua-lua pemilu ( pemilihan umum ) ba zi sambua negara faudu ba zomasi niha sangandro kho Cambridge Analytica mamalua ya'ia. ^[19]

Umbu [ bulo’o kode ]

↑ Lafotoi bisnis fefu zi fakhai ba wamawa gofu hadia ia tobali lala ba wanondra hare. Fehede bisnis tehalo moroi ba li Inggris. Ba li Indonesia tola lafo'eluaha ia usaha, perusahaan, urusan , ma zui tugas . Eluahania fao ba da'o fefu zi fakhai ba wamawa gofu hadia ia awo halo?o zi samo-samosa niha.
↑ ^2,0 ^2,1 Lafotoi filantropis ngawalo halo?o ohito dodonia ba wanolo niha. Halo?o simane andre asese lafalua ba Indonesia ira nifotoi NGO ( non-governmental organisation ) ba ya'ira nifotoi lembaga bantuan sosial (li Inggris charity )
↑ Lafotoi chair sambua gangowuloa si dadao ba wamatuno hewisa wamatoro sambua perusahaan. La'oguna'o wehede chair , eluahania kurusi, me ya'ira andre sidadao ba gurusi mano ba tenga sohalo?o . Noro dodora ha rafe ba wamatuno heza edona te'ohe perusahaan, ba wangetu'o hania zi tobali chief eksekutif (CEO), si tobali dania same'e ena'o alua fefu zi no la'etu'o ira anggota chair . Lo fao ira andre bakha ba halo?o perusahaan. Solau da'o ya'ia CEO nituyu ndra anggota chair . Sondronia'o ndra anggota chair lafotoi chairman (na iramatua) ma chairwoman (na ira'alawe).
↑ Lafotoi chief eksekutif officer (CEO) niha nituyu ndra anggota chair tobali satua fondrege ya?a perusahaan, same'e ena'o alua fefu zi no la'etu'o ira anggota chair . CEO zamalua halo?o perusahaan andro wa lakaoni ia eksekutif , eluahania samalua.
↑ Lafotoi controlling shareholder niha soya mangokhogo share bakha ba perusahaan, ba boro da'o mofa'abolo ia irege tola ibatogo na so bagotalua ndra sokho share tano bo'o somasi mamalua famulo'o sebua ba mboli share . Sangokhogo share no niha sanano kefenia ba perusahaan. Ero rofi na la'erai hare perusahaan, la'oniago hare andre osa tobali nifotoi dividen nibagi-bagi kho ndra sokho share molo'o wa'ebua share khora. Itugu ebua share itugu ebua gefe nisondra moroi ba dividen .
↑ Napach, Bernice (July 26, 2013). "Facebook Surges and Mark Zuckerberg Pockets $3.8 Billion" . Yahoo! Finance . Arsip moroi versi asli irugi January 18, 2017 . Mufaigi me January 17, 2017 .
↑ Hiltzik, Michael (May 20, 2012). "Facebook shareholders are wedded to the whims of Mark Zuckerberg" . Los Angeles Times . Arsip moroi versi asli irugi December 2, 2017.
↑ Lafotoi publik sambua perusahaan na sangokhogo ya'ia tenga ha samosa niha ma sambua omo, bahiza mato ha'uga ma na'i ato niha. Boro da'o angetula nihalo bakha ba perusahaan andro tenga sa'ae ha dali samosa niha bahiza dali gangetula fefu ira si fao ba perusahaan andro. Sito'olonia lala ena'o tola fao niha ba zi sambua perusahaan publik ya'ia da'o na latano gefera (li Indonesia menanam modal ) ba perusahaan andro. Itugu ebua latano gefe, itugu ebua goi lira ba rafe zangokhogo perusahaan.
↑ Lafotoi share sambua garate si tola la'oli niha sato tobali lala ba wanano kefera ba sambua perusahaan. Ero perusahaan so khonia mato ha'uga garate share si no muhonogoi. La'oli niha ha'uga mano share somasi ira la'oli tobali investasi , eluahania kefe nitano ba wanondra hare ba luo furi. Ero rofi na la'erai hare perusahaan, la'oniago osa moroi ba hare andre tobali nifotoi dividen nibagi-bagi kho ndra sokho share molo'o wa'ebua share khora. Itugu ebua share itugu ebua gefe nisondra moroi ba dividen .
↑ "Mark Zuckerberg" . Forbes . Arsip moroi versi asli irugi September 28, 2011 . Mufaigi me March 20, 2017 .
↑ Grossman, Lev (December 15, 2010). "Person of the Year 2010: Mark Zuckerberg" . Time . Arsip moroi versi asli irugi August 17, 2013.
↑ "The All-Time TIME 100 of All Time" . Time . April 18, 2012. Arsip moroi versi asli irugi April 19, 2012 . Mufaigi me April 20, 2012 .
↑ "The World's Most Powerful People" . Forbes . December 2016. Arsip moroi versi asli irugi January 5, 2018 . Mufaigi me December 14, 2016 .
↑ "Mark Zuckerberg" . Forbes . Arsip moroi versi asli irugi December 22, 2022 . Mufaigi me February 10, 2023 .
↑ Lafotoi karir nora wamanoi mbosi niha ba halo?ora, duma-dumania laborogo faoma tobali samozi bato. Aefa da'o monono mbosira tobali sanolo wanura-nura kho kafalo (li Indonesia sekretaris ). Ba monono zui irege tobali ira kafalo sambua fofo halo?o ba godo. Aefa da'o tobali ira kafalo ba perusahaan , btn. Itugu ara itugu ala?a mbosira ba wohalo?ora.
↑ Lafotoi isu sambua mbalo huhuo ma zui sambua masalah si tobali tuho wamatunosi ma fabu'asa li niha. Tobali sambua masalah hadia ia na lo mofano (simane mesin), lo mangele ma lo mowoi (simane listrik ma idan`o moroi ba PAM), ma lo auri (simane radio ma TV), btn. eluahania lo alua ia simane nitotona niha.
↑ Lafotoi privasi fefu hadia ia si fakhai ba wa'auri samosa niha sinangea lo la'ila niha bo'o ma sinangea lo fao niha bo'o wamatuno ma wangohalo?ogoigo ya'ia.
↑ Lafotoi skandal sambua zalua sitobali boro wawu'asa li ba fabagosa li ba gotalua niha sato. Tola mofonu niha sato andre boro me salua andro no sambua amuata same'e aila niha, ma zui samarou amuata si lo sokhi ma lo faudu, irege mofonu ba abu-dodo ato niha.
↑ "Facebook, Social Media Privacy, and the Use and Abuse of Data | United States Senate Committee on the Judiciary" . www.judiciary.senate.gov . April 10, 2018. Arsip moroi versi asli irugi September 8, 2019 . Mufaigi me April 10, 2018 .

[1] Lafotoi bisnis fefu zi fakhai ba wamawa gofu hadia ia tobali lala ba wanondra hare. Fehede bisnis tehalo moroi ba li Inggris. Ba li Indonesia tola lafo'eluaha ia usaha, perusahaan, urusan , ma zui tugas . Eluahania fao ba da'o fefu zi fakhai ba wamawa gofu hadia ia awo halo?o zi samo-samosa niha.

[filantropis-2] 2,0 ^2,1 Lafotoi filantropis ngawalo halo?o ohito dodonia ba wanolo niha. Halo?o simane andre asese lafalua ba Indonesia ira nifotoi NGO ( non-governmental organisation ) ba ya'ira nifotoi lembaga bantuan sosial (li Inggris charity )

[3] Lafotoi chair sambua gangowuloa si dadao ba wamatuno hewisa wamatoro sambua perusahaan. La'oguna'o wehede chair , eluahania kurusi, me ya'ira andre sidadao ba gurusi mano ba tenga sohalo?o . Noro dodora ha rafe ba wamatuno heza edona te'ohe perusahaan, ba wangetu'o hania zi tobali chief eksekutif (CEO), si tobali dania same'e ena'o alua fefu zi no la'etu'o ira anggota chair . Lo fao ira andre bakha ba halo?o perusahaan. Solau da'o ya'ia CEO nituyu ndra anggota chair . Sondronia'o ndra anggota chair lafotoi chairman (na iramatua) ma chairwoman (na ira'alawe).

[4] Lafotoi chief eksekutif officer (CEO) niha nituyu ndra anggota chair tobali satua fondrege ya?a perusahaan, same'e ena'o alua fefu zi no la'etu'o ira anggota chair . CEO zamalua halo?o perusahaan andro wa lakaoni ia eksekutif , eluahania samalua.

[5] Lafotoi controlling shareholder niha soya mangokhogo share bakha ba perusahaan, ba boro da'o mofa'abolo ia irege tola ibatogo na so bagotalua ndra sokho share tano bo'o somasi mamalua famulo'o sebua ba mboli share . Sangokhogo share no niha sanano kefenia ba perusahaan. Ero rofi na la'erai hare perusahaan, la'oniago hare andre osa tobali nifotoi dividen nibagi-bagi kho ndra sokho share molo'o wa'ebua share khora. Itugu ebua share itugu ebua gefe nisondra moroi ba dividen .

[FBM-6] Napach, Bernice (July 26, 2013). "Facebook Surges and Mark Zuckerberg Pockets $3.8 Billion" . Yahoo! Finance . Arsip moroi versi asli irugi January 18, 2017 . Mufaigi me January 17, 2017 .

[7] Hiltzik, Michael (May 20, 2012). "Facebook shareholders are wedded to the whims of Mark Zuckerberg" . Los Angeles Times . Arsip moroi versi asli irugi December 2, 2017.

[8] Lafotoi publik sambua perusahaan na sangokhogo ya'ia tenga ha samosa niha ma sambua omo, bahiza mato ha'uga ma na'i ato niha. Boro da'o angetula nihalo bakha ba perusahaan andro tenga sa'ae ha dali samosa niha bahiza dali gangetula fefu ira si fao ba perusahaan andro. Sito'olonia lala ena'o tola fao niha ba zi sambua perusahaan publik ya'ia da'o na latano gefera (li Indonesia menanam modal ) ba perusahaan andro. Itugu ebua latano gefe, itugu ebua goi lira ba rafe zangokhogo perusahaan.

[9] Lafotoi share sambua garate si tola la'oli niha sato tobali lala ba wanano kefera ba sambua perusahaan. Ero perusahaan so khonia mato ha'uga garate share si no muhonogoi. La'oli niha ha'uga mano share somasi ira la'oli tobali investasi , eluahania kefe nitano ba wanondra hare ba luo furi. Ero rofi na la'erai hare perusahaan, la'oniago osa moroi ba hare andre tobali nifotoi dividen nibagi-bagi kho ndra sokho share molo'o wa'ebua share khora. Itugu ebua share itugu ebua gefe nisondra moroi ba dividen .

[NetWorth-10] "Mark Zuckerberg" . Forbes . Arsip moroi versi asli irugi September 28, 2011 . Mufaigi me March 20, 2017 .

[POTY-11] Grossman, Lev (December 15, 2010). "Person of the Year 2010: Mark Zuckerberg" . Time . Arsip moroi versi asli irugi August 17, 2013.

[12] "The All-Time TIME 100 of All Time" . Time . April 18, 2012. Arsip moroi versi asli irugi April 19, 2012 . Mufaigi me April 20, 2012 .

[13] "The World's Most Powerful People" . Forbes . December 2016. Arsip moroi versi asli irugi January 5, 2018 . Mufaigi me December 14, 2016 .

[14] "Mark Zuckerberg" . Forbes . Arsip moroi versi asli irugi December 22, 2022 . Mufaigi me February 10, 2023 .

[15] Lafotoi karir nora wamanoi mbosi niha ba halo?ora, duma-dumania laborogo faoma tobali samozi bato. Aefa da'o monono mbosira tobali sanolo wanura-nura kho kafalo (li Indonesia sekretaris ). Ba monono zui irege tobali ira kafalo sambua fofo halo?o ba godo. Aefa da'o tobali ira kafalo ba perusahaan , btn. Itugu ara itugu ala?a mbosira ba wohalo?ora.

[16] Lafotoi isu sambua mbalo huhuo ma zui sambua masalah si tobali tuho wamatunosi ma fabu'asa li niha. Tobali sambua masalah hadia ia na lo mofano (simane mesin), lo mangele ma lo mowoi (simane listrik ma idan`o moroi ba PAM), ma lo auri (simane radio ma TV), btn. eluahania lo alua ia simane nitotona niha.

[17] Lafotoi privasi fefu hadia ia si fakhai ba wa'auri samosa niha sinangea lo la'ila niha bo'o ma sinangea lo fao niha bo'o wamatuno ma wangohalo?ogoigo ya'ia.

[18] Lafotoi skandal sambua zalua sitobali boro wawu'asa li ba fabagosa li ba gotalua niha sato. Tola mofonu niha sato andre boro me salua andro no sambua amuata same'e aila niha, ma zui samarou amuata si lo sokhi ma lo faudu, irege mofonu ba abu-dodo ato niha.

[19] "Facebook, Social Media Privacy, and the Use and Abuse of Data | United States Senate Committee on the Judiciary" . www.judiciary.senate.gov . April 10, 2018. Arsip moroi versi asli irugi September 8, 2019 . Mufaigi me April 10, 2018 .

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]