Malu ma fealu (Li Indonesia berburu) no fehede ni'oguna'o ba li Niha na moi ira wangalui ba wofa'ala ma mondra'u aurifo si so ba gatua ^[1] Aurifo sasese lafa'ala ma lara'u na moi malu ya'ia da'o laosi, nago, sokha, boho, sigolu, btn.

Ngawalo Wealu ba Dano Niha [ bulo'o | bulo’o kode ]

So ha'uga ngawalo wealu ba Dano Niha si no lafalu-falua ira satua fona, ya'ia da'o:

• Malu Laosi , nifalua zi darua, datolu ma irugi dalima niha; tola ha si sambua ngambato tenga niha sato (Li Indonesia Kelompok kecil ).
• Malu sokha , nifalua zi ha'uga mgambato si no hasara todo, fa'atora mato daono irugi felendrua niha. Malu sokha tola lafalua zi ha'uga ngambato lafotoi ira molo'o fa'ato lamane sambua ngawawa zialu (Li Indonesia kelompok sedang 6 s.d. 12 orang )
• Mamolo , nifalua niha sato ma zi sambua, dombua banua si no hasara todo ba wamasindro gangowuloa wamolo, fa'atora mato 24 irugi ngaotu niha, lamane sambua ngawawa wamolo (Li Indonesia sekelompok besar/orang banyak )

Amakhoita ba Wealu [ bulo'o | bulo’o kode ]

Fatua lo mufalua wealu, ba si'ofona i'owuloi zifao khonia sondronia'o fealu ba wanga'i wahasara dodo khora, la honogoi simane:

• Hadauga ira zifao, nifili niha sabolo fagohi ba ndru'u, tola onomatua si no la boto si hino dola irugi satua si no bihasa, ba sowaori boto (Li Indfonesia orang sehat) si lo fokho faniri, mozo, ulu, btn.
• Lafalua wamoni fatua lo moi ira ba ndru'u wealu, duma-dumania si no mongambato tebai forudu ia ba ndrongania 3 ngaluo fatua lo moi malu. Tebai manotoi sabe'e/mangondru, tebai mangelifi, tebai falele, tebai falimo, tebai fa'udu/fagua-gua, ba tanobo'onia.

Amakhoita ba Wamolo [ bulo'o | bulo’o kode ]

Fakake Wealu [ bulo'o | bulo’o kode ]

Niha si malu, si'ofona sibai, niha sibarani manoro atua, du'u ba sangila logu dano. Ba we'amoi malu, laboro sibai, owulo hawa'ato zimoi mealu, ba mangandro zatua khora, ena'o la sondra gahulua utu ndru'u simane : laosi , nago, sokha , bogo, boho, ba tano bo'o. Hiza bawe'amoi malu, oya sibai gamonita, tebai manotoi sabe'e ma tebai falele. Amonita da'a la be'e ba dodora ya'ira simoi malu. Aefa mangandro, ba dozi zimoi malu, la'ohe doho zamosana, belewa si so saembu ba lowi-lowi, ba asu mato hauga rozi sitobali awo solohi utu ndru'u. Nano aefa mangandro, bafakake no oi so ba danga, ba la honogoi hezo laborotaigi wofano, ba faoma lafatuno dania hezo wetaro orudu zui ira.

Malu ba mbanua-banua [ bulo'o | bulo’o kode ]

Ase [ bulo'o | bulo’o kode ]

Mefona me abolo nasa gatua, ambo ato nasa niha ba dano niha, utu ndru'u oya sibai, ba lo marase niha we'amoi malu, ha mato sabata, ba no tola lasondra gahuluara. Ia da'a ba no oi teboka mbolo mbenua, irege mangalo sa'ae wa'oya gutu ndru'u ma aurifo. Niha moroi ba dano niha, sino to'olo malu ma mangalui sokha ba gatua, lakaoko we'amoi ba zitambai nasi fetaro ba dano Ase, ba wangalui sokha me tenga ha ba wangalui diwo simane nifalua ndra satuada mefona, iada'a fealu no hulo sambua lala halo?o ia, me ahuluara so niha sowoli molo'o fa'abua ba wali'era ma nikilo ba ni'erai hauga ribu rufia mbolinia. Aboto ba dodo niha fefu wa ono niha no niha sonekhe sibai ba wealu, me no sambua ni tohugo simane nifalua ndra satua mefona ba Dano Niha . ^[2]

Umbu [ bulo'o | bulo’o kode ]

1. ↑ Fehede ni'oguna'o Heinrich Sundermann bakha ba Zura Ni'amoni'o ya'ia da'o utu ndru'u . Ba hiza fehede andre ambo faudu. Laosi, boho btn. no aurifo segebua sibai irege tebai takaoni ira utu si no ide-ide sibai. Ba Wikipedia Li Niha te'oguna'o wehede aurifo (li Indonesia binatang ma hewan ), si fabo'o moroi ba urifo ni'uri niha ba nomo.
2. ↑ Hendri, Seni (1 September 2019). "Kisah Pemburu Babi Asal Nias di Aceh Timur, Dijual Ya, Makan tidak, Ini Alasannya." SerambiNews.Com, mufaigi 20 Nopember 2020