Lowalangi
no toi nibe'e
Nono Niha
iada'a kho samosa zamatoro ulidano ba osinia ma'afefu ba samatoro fa'auri niha. Boro da'o fagolo geluahania faoma fehede "Allah" ba li Indonesia ma zui "God" ba li Inggris.
Heza alua wa mamati niha wa so silo'o-lo'onia samosa lowalangi ba gulidano andre, lafotoi da'o
teisme
.
[1]
[2]
Bakha ba agama nifotoi agama
monoteis
(simane
Yahudi
,
Niha Keriso
ba
Islam
) faduhu dodo niha wa ha samosa Lowalangi andro, wa fondrege mofa'abolo ia, wa ya'ia zamazokhi gofu hadia ia fefu, ba wa khonia oi mamati niha.
[3]
Ba agama bo'o nifotoi
politeis
, lowalangi andro no "samatoro ulidano (he?a'ae tenga ulidano ma'asagoro bahiza ha fofonia) ma zui samatoro fa'auri niha, ba boro da'o labe'e khonia wasombata ma zui kho gofu hadia ia zi tobali fangali zamatoro andre."
[4]
[5]
Sondra niha sanandrosa kho lowalangi no oi fabo'o-bo'o. Ato ndra ere
teologi
ba
filsafat
si no manandraigo ba wangoroma'o wa so lowalangi, he?a'ae irugi ma'okho lo soroma (li Indonesia "bukti") si tola la'oroma'o.
[6]
Bahiza so goi niha bo'o si lo manema wa so lowalangi ma eheha bo'o samatoro ulidano ba fa'auri niha, ba faduhu sibai dodora wa lo lowalangi (sondra nifotoi
ateisme
). Baero da'o so goi zondra nifotoi
agnostisisme
sanguma'o wa lo ta'ila na so lowalangi ma lo'o. Awo da'o so zanguma'o wa tanoa fefu no lowalangi samosa (sondra nifotoi
panteisme
) ba so goi zanguma'o wa so sa lowalangi, bahiza tenga ya'ia zamazokhi tanoa fefu ba tenga ya'ia zomboi niha (sondra nifotoi
deisme
).
Molo'o
teisme
Lowalangi si faduhu todo niha no samosa Lowalangi sangomasi'o niha ba sanotona ena'o lafolakhomi ia niha faoma fangandro, fanuno ba folo'o lala wa'auri si faudu ba daromali Lowalangi andro.
[3]
Me fona fatua lo tohare
Niha Keriso
ba
Dano Niha
, nifotoi "lowalangi" ba gotalua
Nono Niha
tenga somboi ba sokho banua si ya?a awo dano simane si faduhu todo niha bakha ba agama "monoteis". Lowalangi ha toi wurugo niha si so ba
Dano Niha
irugi ma'okho.
[7]
[8]
So darua wondrege wurugo andre si tohare ba
Dano Niha
: si fofona sibai ya'ia da'o
Laturedano
sondrugi
Tano Niha
me tora 1.000 fakhe si lalo. Aefa da'o me 500 fakhe si lalo tohare ba
Dano Niha
niha bo'o sotoi
Lowalangi
. Larugi
Dano Niha
ba zinga nasi tano ba gatumbukha ba
Lahusa
ba awu'a-wu'a ira irege mowanua ira ba
Mboronadu
ba
Gomo
. Ya'ia andre zi tobali furugo fefu
Nono Niha
sauri ba
Dano Niha
irugi ma'okho. Lo ta'ila sibai hadia mboro wa oi mate nga'oto Laturedano me no tohare Lowalangi, irege hato niduno-duno nirongoda sanandrosa khora (iraono mbela sauri ba hogu geu).
[7]
Me luo da'o lo nasa
agama
ba gotalua
Nono Niha
ba hiza ha
famosumange zatua
. No goi i'ila da'a
Elio Modigliani
me moi ia wangosili ba
Dano Niha
me 1886. Aefa ifaedogo haniha Lowalangi molo'o ndra
misionaris
ba molo'o wanutuno
Ndraono Niha
si falukha khonia ba
Dano Niha
, ofeta ia ba gangetula,
Molo'o ya'o Ono Niha ha samolakhomi zatua
(
Per me i Nias sono puramente idolatri
).
[9]
Ba li
Nono Niha
fona famolakhomi zatua andre latotoi ia
fame'e adu
zatua (li Indonesia "penghormatan leluhur", li Inggris "ancestor worship"). Boro da'o he Laturedano ba he Lowalangi tenga toi si fagolo ba doi zamazokhi banua si ya?a awo dano nifolakhomi niha bakha ba agama
monoteis
.
Me tohare ndra niha
Eropa
, tora-tora ndra
misionaris
Niha Keriso
, lo la'ila lafo'eluaha doi zomboi banua si ya?a awo dano si so bakha ba
Zura Ni'amoni'o
, same'e
oroisa si fulu
kho
Moze
. Me iborotaigo wo'ali
Zura Luka
ba li Niha
Ernst Ludwig Denninger
, samosa
misionaris
Protestan
moroi ba
Jerman
, i'oguna'o mano doi "Lowalangi", me lo isondra doi sabolo faudu ba li Niha. Aefa da'o latohugo mano wangoguna'o simano ira
misionaris
tano bo'o simane
Heinrich Sundermann
, sanga'ali
Zura Ni'amoi'o
ma'asambua ba li Niha, ba si mano goi ndra
Niha Keriso
si so ba
Dano Niha
irugi iada'a.
[10]
[11]
Lowalangi si ha toi wurugo Nono Niha me fona no tobali iada'a toi kho zomboi banua si ya?a awo dano ba samatoro fa'auri niha ba gulidano, nikaoni
Yesu
samosa ama (li Aram "abba") (
Mar 14:36
).
Lowalangi no goi toi mba?a fondrege ebua numero dua samasui
planet
Saturnus
. Me 2010 ihalo gangetula International Astronomical Union (IAU) wa i'otarai 17 Juni 2010 labe'e doi mba?a andre Lowalangi. Fona da'o to'olo latotoi ia Rhea.
[12]
IAU andre no organisasi internasional same'e oi toi nosi mbanua siya?a. Isondra mba?a andre Giovanni Domenico Cassini me 23 Desember 1672 ba labe'e toinia Rhea i'otarai 1847.
[13]
- ↑
theism
, dictionary.com, mufaigi me 13/01/2024.
(Li Inggris)
- ↑
theism
, Merriam-Webster Online Dictionary, mufaigi me 13/01/2024.
(Li Inggris)
- ↑
3,0
3,1
Richard Swinburne
, "God" in Ted Honderich (ed),
The Oxford Companion to Philosophy
,
Oxford University Press
, 1995.
- ↑
"god"
.
Cambridge Dictionary
.
- ↑
"Definition of GOD"
.
www.merriam-webster.com
(ba li Inggris)
. Mufaigi me
2023-02-27
.
- ↑
Alvin Plantinga
, "God, Arguments for the Existence of",
Routledge Encyclopedia of Philosophy
, Routledge, 2000.
- ↑
7,0
7,1
Johannes M. Hammerle
,
150 Years of Ethnological Interpretation and Misinterpretation on the Example of Nias, Indonesia
, Anthropos 108, Buku 1 (2013), nga'oro 173-204.
(Li Inggris)
.
- ↑
Lowalangi ha
toi famolakhomi kho duada Hia: Hia Walangi Adu, Hia Walangi Luo
(
But actually this [Lowalangi] is only the glorius name of father Hia: Hia Walangi Adu, Hia Walangi Luo
) bakha ba Antropos 108, Buku 1 (2013), nga'oro 178.
- ↑
Elio Modigliani,
Un viaggio a Nias
, Milan: Treves, 1890, nga'oro 613.
(Li Italia)
- ↑
Uwe Hummel, Tuhoni Telaumbanua
,
Cross and Adu
, Uitgeverij Boekencentrum, Zoetermeer, 2007, nga'oro 20-21.
(Li Inggris)
- ↑
Duma-dumania fehede
Taromali
Lowalangi. Da'a no samatoro ulidano bakha ba agama
monoteis
. Na itotoi Lowalangi
Faulo
, ba da'o goi ni?ao dodonia, ya'ia da'o somboi banua siya?a awo dano nifolakhomi ba ni'ala?a'o he Iraono
Gizeraeli
ba he si tenga (faigi Rom 3:21-31)
- ↑
Lowalangi
, planetarynames.wr.usgs.gov, mufaigi me 13/01/2024.
(Li Inggris)
- ↑
Rhea: Saturn's Dirty Snowball Moon
, space.com, 30/06/2016, mufaigi me 13/01/2024.
(Li Inggris)