Sura andre ha boro wangi'ila, tenga fangali dokter . Lo ibe'e konsultasi medis Wikipedia. Na moguna khou wamadoho, si lo tola lo'o moi ndra'ugo kho dokter ma zui nifotoi tenaga medis profesional

Fokho mbua ya'ia da'o no fokho salua na iborogo awuwu halo?o mbua ba wanafi'o fefu zi ta'uno si so ba mboto moroi ba nidano gio si lalo ba waya. Fokho da'e tola alua ia ha ba ginoto sadogo-dogo (lafotoi akut ) ba ma zui arara (lafotoi kronis ).

Fokho mbua si fofona andro (salua ba zi lo arara) alua ia na ambo ndro sangele ba mbua ma zui na abobo mbua boro wa'atetiti simane na alabu niha telobi lowi-lowi, ma na mesokho mbua. Fokho mbua sarara si to'olonia no ida'i-da'i wa'aluania ba tora tolu wa?a wa'ara. Itugu ara itugu abolo-bolo ia ba afuriatania bua andro tekiko ma la?a'o no irugi mbosi si lima (latotoi ba li Inggris end stage renal disease ).

Na no irugi mbosi si lima, ba lo tola mudalu-daluni sa'ae mbua andro. Lo lala wame'e ena'o sokhi wohalo?onia mangawuli simane me fona.

Iborotaigo ia fokho da'e na so wokho gulo , na ala?a wa'abolo-bolo wamangele ndro, ma na abao mbua, ma zui na no mokara bakha ba mbua. Baero da'o tola goi fao khonia wokho tanobo'o simane fokho todo, fa'ala?a ndro, fokho dola ba fokho wa'alo ndro. ^{[1] [2]}

Tandra-tandra

Ba mborota lo oroma sibai ba lo goi murasoi wa edona alua wokho mbua. Awena teborogo terasoi ia na no irugi abolo-bolo wa'awuwu halo?o mbua, na no hato 10-25% moroi ba zi to'olonia. Oroma ia na no irugi wa'abolo-bolo simane, ya'ia da'o mo'ambota nidano gio ma zui lo moi baero gio. Boro da'o fefu zi ta'uno tetaha bakha ba mboto ba tobali langu. Irege tohare dandra tanobo'o sabolo-bolo simane fa'alele ma falo fa'abolo mboto, awuwu wangera-ngera, omulo-mulo dodo ba mo'uta. Boro me tebai moi baero gio, idano si so ba mboto tetaha bakha, irege abao gahe awo danga. Simano goi awuwu hanu-hanu me tetaha goi idano bakha ba mbo. ^{[3] [4]}

Famofaosato

So lima ngawalo mbosi wa'abolo-bolo wa'awuwu halo?o mbua (li Inggris Glomerular filtration rate ma GFR): ^{[5] [6]}

Diagnosis

Sasesenia iborogo wokho mbua andro moroi ba wokho gulo ba fokho wa'ala?a ndro (li Inggris hypertension ) ba niha satua, ba tano'bo'o'nia simane: ^{[7] [8]}

1. Fa'abao mbua
2. Fokho nga'oto
3. Fa'atoba'a lala gio boro kara mbetua si tobali kara bakha ba mboto niha
4. Boro dungo sangawuli furi ba mbua
5. btn.

Famadoho

Sokhi na alio mu'ohe kho doto ba wamareso. Na halo?o mbua no irugi ambo moroi ba zi 15%, lafotoi ia sa'ae no irugi wokho mbua (faigi ya?a) ba fao khonia oi dandra sabolo-bolo nisura si ya?a. Na no irugi zimane eluahania tebai sa'ae mbua wanafi'o gio, boro da'o moguna wanasai ndro (li Indonesia cuci darah ma asese la?a'o dialysis ).

So dombua lala nitoro ba wanaha ena'o boi itugu abolo-bolo wokho da'e:

Lala si sara ba fanasa ndro. Fanasa ndro andre tola nifalua ba sambua mesin nifotoi hemodialysis , ma zui nifalua bakha ba mbetu'a (lafotoi ia peritoneal dialysis ). Lala si dua ba famalali mbua, eluahania lafalali mbua si no tekiko faoma bua moroi ba niha bo'o sedona mamualago buania (moroi kho dalifuso ma zui kho niha sawena mate). Tefalua da'a faoma operasi ba rumah sakit (lafotoi ia transplantasi ginjal ) bua da'e tehalo ia moroi ba dalifuso ma zui moroi ba mboto niha sawena mate (andro goi wa moguna lafalua ia molo'o hukum ba wamatoro faoma agama, ba si lo tola lo'o musura ia ba garate). Famalali mbua andre ha tola tefalua ba furoma operasi ( ruang operasi ) ba godo zofokho ( rumah sakit ).

Lo dalu-dalu baero zi dombua lala nitoro andre. ^{[3] [9]}

Fangosili

Lo hadoi.

Ononota

Lo hadoi

Fokho si fakhai

Fokho Gulo

Baso?a

Lo hadoi

Khai-khai baero

Lo hadoi

Umbu [ bulo’o kode ]

1. ↑ Chronic Kidney Disease , mufaigi me 14 Februari 2020 ( (Li Inggris) )
2. ↑ Gagal Ginjal Akut , mufaigi me 20 Januari 2020 (Li Indonesia)
3. ↑ ^{3,0 3,1} Nurarif, A.H., & Kusuma, H. (2015), Aplikasi Asuhan Keperawatan Berdasarkan Diagnosa Medis & NANDA NIC-NOC (Jilid 2) . Jogjakarta: Media Action.
4. ↑ LeMone, P., Burke, K. M., & Bauldoff, G. (2013), Medical Surgical Nursing: Critical thinking in patient care . United Kingdom: Pearson Education.
5. ↑ Krol, G. D. (2011). Chronic Kidney Disease: Clinical Practice Recommendations for Primary Care Physicians and Healthcare Providers . Diakses dari https://www.asn-online.org/education/training/fellows/HFHS_CKD_V6.pdf
6. ↑ Kidney Disease Improving Global Outcomes. (2013). KDIGO 2012 Clinical Practice Guideline for the Evaluation and Management of Chronic Kidney Disease. Kidney International Supplements, 3 (1). Diakses dari https://kdigo.org/wp-content/uploads/2017/02/KDIGO_2012_CKD_GL.pdf
7. ↑ Chronic kidney disease (CKD) - Symptoms, causes, treatment , mufaigi me 14 Februari 2020 ( (Li Inggris) )
8. ↑ Chronic Kidney Disease in the United States, 2019 , Centers for Disease Control and Prevention, mufaigi me 14 Februari 2020 ( (Li Inggris) )
9. ↑ Permenkes Nomor 38 Tahun 2016 tentang Penyelenggaraan Transplantasi Organ, mufaigi me 14 Februari 2020 (Li Indonesia)